領導能力 (080611)

公司的CAO近來頻頻指揮唔到下屬，一係就將佢指派既工作託詞唔做，一係就頂撞番CAO，有人提議要炒左呢位下屬。

我相信一個會俾下屬頂撞既上司，唔會係一個好既上司，嚴格一些說，是一個不懂管理的上司。一個冇威嚴既上司，連下屬都唔買你怕。係呢個情況，炒人係last resort。CAO本身有非常大既責任令到呢件事發生，甚至繼續發生。

近來真係面對好多管理層要處理既問題，慶幸我既team既同事都非常聽話，唔駛我操心。公司整體職員既人事關係，係我今個月其中一個要優先處理既問題。

***

恆指單日跌左一千點，市盈率僅得14倍。跌市唔入市，對唔住自己。可惜公司仲欠我幾萬元，唔係今日就會入一手國壽了(2628)，唯有以每股$25.2入一手招商銀行(3968)，如果下個月個市繼續跌，會增加月供金額至12,000元。自06年8月起呢22個月，總共投放左34萬係呢四隻千里馬身上：匯控(5)、中移動(941)、2628、3968。有足夠錢就趁跌市買野，養肥隻千里馬，唔夠錢就可以選擇月供股票，兩個都係增加財富既好方法。

我相信中移動(941)會繼續領導市場，國內流動電話市場佔有率有七成，而且大部份既高端用戶都係上中移動既網，就算國內電信業如何重組，都不會對中移動既盈利增長能力有影響。今晚美市向下，明天港股又會是一個跌市，中移動會再跌低過109元(美國既經濟前景不明朗，對用緊中移動既用戶有咩直接影響呢？)假設08年增長為30%，每股賺5.81(4.648 x 1.3)，現價只係PEG 0.75<1，相當抵買。