其實食野冇咩特別，J通常都係叫牛米特餐，加杯熱華田就一餐，不過由於裝潢好古舊，令人覺得特別親切。
早幾個星期，先同師父講開排龍同食店的食物水準會否有關係，都同時提到呢間冰室，食物味道唔算有驚喜，價錢唔平，不過一做就十幾年(原來係53年！)。
整條電氣道是子午向，祥利是十字路口向左數第二間鋪(下圖右手方)，排龍以斑馬線起破軍，支順干反，因為是子午向，屬天支，順排，應排到右弼龍，為吉，右弼沒有特定性質，故開冰室亦可。同一條電氣道，雖然坐向一樣，但由於排龍不同，故興衰有別。而祥利隔離的燒味店，應排到廉貞龍，廉貞為火，性質相合，故此平日好多人幫襯。同一街隔多兩個鋪位仲有一間燒味，不過應該係排到不吉的破軍龍了，因此平日都係拍蒼蠅多。
而對面的潮州打冷(下圖左手方)，按排龍，應排到貪狼龍，如是，則一運始發(即2044年)，因此生意遠不及祥利。
***
Office改裝之後，首先是財政方面有顯著改善，工作上明顯比之前忙碌很多，d「Job」真係接完一單又一單，愈黎愈出名，想休息下都冇時間，不過人事不穩的情況就出現了，繼前上司之後，離開的是J的一位得力同事 - 這亦不是J想見到的。
世事永無完美，一面的得，就有另一面的失。連同之前因為下屬升職而騰出的空缺，J黎緊要請3位新同事！
不過，最大的問題，是整個office是有利女人當家而不是男人，如果J的老闆有天不是女人做當家，那真要因應這個情況作出相應改裝了。
