人生口號(100728)

個人認為，應該每天早上大喊一次的：

正面態度
最壞準備
等待時機
主動出擊

早上的番工潮(100727)

J既番工時間係上午十時，這個時間的地鐵車廂是很寬敞，至少你不會感受到置身在人肉三文治之中。但有些時候是要六、七、八時上班的，像今早就要八時半要去一去雪廠街。

由中環地鐵站月台行上太子大廈方向的出口，一群群黑色西裝的人潮，一個個人影背著手挽著皮包、提著早餐，配合高跟鞋踏地的聲響，似是萬馬奔騰千軍萬馬流水般湧上電梯，乘著電梯逆流而上的尋找生存動力，踏上現代化城市的生命征途。

當然，J始終喜歡番十點的，因為你可以在地鐵內攤開一份報紙，迎著鐵車高速移動而帶動的來風，瀏覽今日新聞明日歷史的初稿。

勁呀呢次 (100726)

而家會跟一單唔大唔細既中PROJECT，直至九月，結果八月放假的計劃泡湯了。

爭取加人工啦要！

管理人 (100726)

炒就炒，唔知點解上頭仲要留人係度一個月，疑人勿用，用人勿疑，你又覺得同事有偷野又唔做到野，咁樣做管理都得既？

天，有些人仲說上頭的管理好得，又一次證明，有時第三者講既說話都唔一定堅定可信！甚至，有時候管理呢飯野唔係人人都識做。

書展記 (100725)

昨日，百忙中去了老師的講座。這半年來已經不知是第幾次替老師準備powerpoint，自大學後都好少用既軟件，係半年來已經用到熟。今次仲專登執過d新圖，實在有賴google street係找街景圖上幫了很大忙。幫左師父咁耐，已經知道師父脾性，今次真係食生菜咁食。

其實J最遲入門，論輩份為最小，早入門既師兄有十多人，不過而家有講座，老師都會搵J準備，年來多都已經協助師父籌備公開班、觀山團、新書。不過自從寫字樓改運以後，工作上愈見忙碌，變左日間番工，晚間放工先可以做師父野。

下本書會講老師勘察過既家居實例，非常實用。昨日行完書展之後去食飯，一眾師兄今次破例的很主動話要幫忙。可能是J多心吧。

今次編寫新書，認識了出版社的朋友，佢地都話好有興趣跟老師學玄空，今個星期六眾師兄弟會再聚首一堂， J會邀請埋新朋友加入，各位有興趣學玄空既朋友可通知我。

***

最後，同師父認真討論後，J決定今次就來一次大工程，為屋宅轉天心改運。轉天心後，八運丁山癸向雙八到山，門口水星九紫飛到，九紫為未來生氣，亦為八運財星。整體而言，力量比現時退氣的雙七到向強得多，而且對家人身體健康有幫助(山星為八白當旺，雖然水星到山，財力有損，不過門口有九紫，配以動水可以收改善之效)。如只要求平穩發展，改運後該宅可以住到2043年。雖然水星上山，不過由於J的床頭會留一道2吋長的玻璃見光位，為見水，故此整體仍為「有山有水」，為「得用」。

為籌集資金，會於日內先賣出005，套現150,000先。估計裝潢連電器音響需集資250,000。

雖然明年一定儲唔到四年前訂下既六年內儲100萬目標，不過呢筆錢，係值得駛的。

Sketch (100722)

同裝潢傾工程細節，要Sketch張圖過佢，嗯，畫野真係好開心，特別係唔用間尺就可以拉到一條直線，其實我真係好啱去畫野。

第日冇野做就去師父度做draftsman，不過好似而家全部唔用人手啦喎....

開工日子係8月5日上午十一時，要開始搵倉搵屋同執野了！

世界上格局一樣的鬧市(100722)

一個是銅鑼灣蘇糕，一個是New York 談士士瓜牙，同樣是天市垣，即是天上的市場。你看有幾多份似？

記三號風球日(100721)

上午，出門口時仲好好太陽，於是，就拎住所需既物資，坐車入西貢郊區找師父。找師父主要是兩件事，一是準備星期五的powerpoint，一是幫一位做官非刑忌的朋友問寫字樓風水。

中午，同師父一家人去左西貢市中心食飯既時間，天色已經黑左，仲已經落左好大雨。揀西貢食飯係師父師母話個間食飯既地方可以食番佢地細個食野既風味，所以專登同J一齊去，其實J對食野冇野要求，不過師父一家人好客氣，係咁叫我食，J真係唔好意思(想)講，其實我疾厄宮紫府見文曲化忌，消化唔係幾好，唔食得太多。

本來下午想番屋企，不過因為要寫稿，四點幾大雨滂沱之時番到office。出左稿後，有行家打黎閒聊，話唔知因咩事敝公司今年咁鬼忙，攪完一單又一單，之後又一單接住上，戥J辛苦咁話。

(待續)

業力之可畏 (100718)

幾年前的一個大意決定，卻影響了一位很推心置腹的朋友，去做了一個很荒謬的選擇。

身邊的朋友都不明白他。現在，J明白了，亦同時感受業力的可畏！

法律是 (100715)

如果個公司都運作唔到，講公司章程都冇用.....一切都係要令間公司運作....公司既運作先係最重要。

首歌好正！(100711)

值得看！(100711)

明年該出動嗎？(100704)

近來確是有人問J對明年工作安排的意向，估不到星期六同師父飲茶，佢都主動問起，而且仲持正面態度，「唔衰一獲下次邊有得成功」。

J一向短視，先勿論明年的安排如何，目下最重要的是為房間進行第二次改裝。日子都已經選左三個，都是七月二十日打後，即是要兩星期內將房間所有物品入箱並搵定酒店等家人在裝潢期間有地方落腳。冇法，今次係打通兩間房既工程，沙塵太大，對家人身體不好，因此不宜在裝潢期間在單位中逗留。

***
夜，路經旺角，見E神陳出左演唱會DVD，獨不見Blueray，而且亦在宣傳海報上不見有提BR，J按奈住俾錢買DVD的衝動，問售貨員：「呢張碟會出BR的吧？」售貨員想了想，大概知J在想什麼，半答不答的說：「應該會既....」

咁當然等出Blueray先買啦！

***

J星期五晚farewell完實習生後，去左剪髮。同J剪開髮既「士帶利殊」早前受公司委派去左印度公幹，主要係為某電視台既一年一度節目既「佳厲」負責髮型。J問佢覺得班女孩子唔化妝個樣得唔得，答案都係意料中事了，唯一令J有些出奇的是髮型師說有些女孩子唔上妝的時候，面上部份位置明顯見到疤痕，主要是鼻及下顎，原因心照，但只要一上粉，其他人就不覺。

女孩子年齡最細一個是二十歲，都是1984年後出生的一群，命盤中破軍性質加強，破軍有破舊的性質，「破」面上不滿意的部份而後「立新」。

夏天的呼喚 (100704)

早上十一時，站在兩條相反方向的馬路之間，迎面吹來徐徐的涼風，召喚著小時候的無愁時光，那時候沒有什麼七一，那時的七月就單純是等放暑假的日子，不用上什麼暑假訓練班，不用趕什麼功課，那時的夏天是在瘋狂打任天堂，瘋狂畫公仔地渡過。有時候，可以做定一個立體機械人，因為下一年的美勞課，一定要交一個自由創作；那時還可以在探頭在窗戶中望到大角咀碼頭間，海景真是多麼便宜。肚餓了，就拿幾塊小錢，到樓下買幾口零食。

公仔由紅轉綠，提示你要由馬路旁的安全島走到馬路的另一邊，進入季節的呼喚中。

下半年第一日(100701)

好不滿意的一天。安排得真混亂。自己要負很大責任。

雖然從數字上，或者從其他人眼中，覺得無大不妥。

不過，如果上年我給自己的表現有90分，今年只得50。

細節安排上完全錯哂！