辦公室政治 (080612)

CAO今日說了一些蠢得不可再蠢的說話，令整個office為左咁而付出左好大既代價。

另，Reception既同事係老闆面前就笑面迎人，對住同事就睇下你係邊位而選擇「討好」你或者唔理你，連CAO要佢做野，佢都會用盡方法避開做一些佢唔想做既事，好似整個office都要買佢怕咁。

Office而家既氣氛好古怪，CAO想為同事安排一個講溝通既workshop，希望藉令大家打開心結，老實講，呢d workshop，我唔知可以點樣address而家同事之間既心結，總覺得，處理同事之間既不和，唔係用呢d方法處理。恕Jeffreality既管理經驗尚淺，我唔認為因為一個receptionist既問題而要大部份office既同事去就佢，一個大project已經山雨欲來，內部整頓已是刻不容緩，絕對不是一句唔忍心處理就可以俾問題擴散。可惜，這位CAO冇駕馭呢個形勢既能力。

人人都話想辦公室既氣氛融洽一些，如何處理同事與同事之間的矛盾(例如調教一下同事之間既職責)，就是我黎緊要令CAO關注並處理既主要課題！

***

負責管理整個寫字樓既老闆(既係CAO既頂頭)處事十分和稀泥，明知同事已經好多工作，仲要幫同事接job，仲要話寫字樓既同事會全力做好件事。Jeffreality心想，要同事全力做好十件事，咁呢個全力，有幾全力呀？

***

暑假來了，寫字樓黎左6-8位暑假工，由於Jeffreality正在準備一個大project，佢地就全部歸由我管理。計埋原有既下屬，我既團隊已經有成10個人了。而家Jeffreality經常都要開會，或者同外界聯繫(所以Jeffreality係Office hour主要工作係打電話同開會)，所有落手落腳要做既事已經相對減少，而家更加要學好Planning and Managing，令到下屬權責分明，指令清晰(曾經因為指令唔清晰而令到下屬交錯功課)。而家大家仲係磨合緊(好政府既口吻)，下星期我會見一見主要既下屬，檢討番而家既工作情況。

而家既工作既壓力真係好大，一來自己係呢行既經驗真係唔多，二來年紀都真係好細，所以對自己既要求更加高更加嚴格，以身作則，清楚確立一套我接受既工作態度及要求(我都得，你地都冇可能唔得)。玉不琢不成器，鐵不煉不成綱，Jeffreality一定把握呢個提升能力既機會！