那一天想起「妳」 (080609)

唔知從幾時開始，Jeffreality好耐都冇欣賞過office對出的海景。坐係我個位望落去，見到中環填海工程既地盤，直線或者向上望，就見到IFC，天氣好既時候(例如今日)，仲可以見到一片片白雲飄過，想起細細個既時候，舊居對出係碼頭，可以望到海同藍天，放暑假呢，就最喜歡訓係張床度望住藍天白雲，個時未有wall building，加上屋企近海，非常大風。今日呢，涼風不再，原本係碼頭既地方已經起左一幢幢的維講灣及O海城商場啦，那時候在碼頭釣魚既地方，已經係今日O運站上車既位置。

嗯，講番office，再望右少少，見到一艘艘船係維港海面穿梭，再把眼光放遠一點，就是荔景/葵涌既貨櫃。 其實我幾喜歡呢個位，當時初搬入黎呢個地方，我一揀就揀左呢個位，貪佢有「景」。殊不知，日忙夜忙，都冇咩時間欣賞呢個景。

***

呢幾晚都用黎睇碟(個人認為此舉是極度放縱既行為，因為呢個假期應該要清左之前累積既工作)，於是租左兩集Fantasy 4，蘋果核戰爭呢幾隻純官能刺激既戲番黎睇，讓大腦休息休息。

雖然係咁追求刺激，但係都揀左一隻買左好耐但係未睇既DVD，係李安係八十年代執導既電影(好似係佢第一部執導既電影) - The Ice Storm，套片開始係講個仔睇Fantasy 4既漫畫，有感而發覺得Fantasy4處理問題時，就好似一家人咁樣去睇成件事。

片中講一個Family，有老公、老婆、阿仔、阿女。老公因為生活既枯燥同埋太太同佢係性生活方面不太協調，結果就同鄰居太太搭上。十幾歲既阿女好想嘗一下禁果，偶然之下同鄰居既兩個仔來往，卻在屋內親密的時候給父親碰個正著(因為父親剛巧係間屋度等待與鄰居太太偷情)，因為咁，令老婆得悉老公同鄰居太太有染，馬上嬲左老公。當晚兩公婆去左一個key party(我當時唔知咩叫key party，後尾先知原來係換妻派對)。最令我深刻個幕，係最後剩番老婆同鄰居老公(老公因為一些事俾人扶左去洗手間，而鄰居老婆就同一個後生既男仔走左)，佢地心理掙扎之後都發生左關係，之後老婆馬上返番個party既洗手間搵番老公，好溫柔咁叮囑老公要等酒醒先番屋企，有咩就返屋企先講咁。可能Jeffreality接受唔到「key party」呢件事，覺得當一段關係，兩個人既身同心都唔再單純咁屬於對方既時候，一起下去只會傷害更多更多的人。

套電影幾有意思，希望有時間再睇多次吧。

***

下午係寫字樓，有朋友從msn邀請Jeffreality玩接龍。好久都沒有在msn玩呢類game了(但係成日坐車時用部PDA玩)，有一排經常同朋友玩接龍，嗯，就在那段失戀既日子。 那時候，工作很悠閒，可以在office對著電腦玩接龍。那幾千鋪接龍，有九成五都係個段時間玩番黎。

別人在你的生命中留下一些印記，但總不能用共處時間之長久來衡量那段關係的深刻，不管一個人、兩個人，日子仍然要過，無論傷口多深，總得找個方法讓他癒合。

***

呢段entry斷斷續續咁寫，而家已經係下午六點幾了，呢年幾時間，工作已經成為生活既主要部份時，Jeffreality唔知未來係點，但而家得好好的管理好呢一段純工作既人生部份吧。

危機管理(080608)

遇上突如其來的事，作為團隊領導有什麼不要做的事？


1) 不要怪責同事
特別是初步認為犯了錯的同事(其中一個錯可能係知道有問題但係唔出聲)，人總愛在問題出現後找出問題的根源(who's fault)，之後就怪責出了錯的同事，但係，切忌係呢個時刻問：「點解」(why)，冇人想犯錯，就算真係錯左都唔應該係呢個時間追究，否則影響軍心，產生更多問題。領導人或管理人發現出了問題，就是要把腦筋「範式轉移」，把全副精神集中在解決問題呢個思維上。

2) 不要受驚
人人都不想有危機發生，面對危機時總會有「為何偏偏選中我」的無奈，領袖氣就是要在危機中顯出冷靜的氣度，因為領袖要團結內部，令到全人類上下一心共同處理危機，如果上層都亂，下層的氣氛一定受到影響。而且，通常在危機中，先看到團隊中人的真實特質，是一個確實認知團隊成員的最好機會(只少比那些appraisal更加實際囉)。

3)不要放棄檢討
老土咁講：有危就有機，先危後機，有問題出現就是提供一個令團隊發展的機會，從別人的經驗學習，固然係好，從自己的經驗學習，美妙百倍。

談玄述異 (080602)

從未試過如此期待過一本文字書。上星期四晚上七點幾去書局，一見下便呢本書到就馬上買了下來(非常開心，因為三點幾仲未出)，一晚就速讀了一遍。

很久之前都介紹過這套斗數卷系列，這本前卷原先該是整個系列的第一冊，但是陰錯陽差下變成第三卷出版。不要誤以為書內會教人任何推算祿命的技巧方法，作者透過本書講一套value system，表達佢對宿命、命運的看法，科學與術數的價值系統之關係，與其說反命運(或宿命)，不如認真的管理好命運。任何對以上題目有興趣的朋友(包括有興趣學術數的朋友)都值得買來一讀再讀，J認為這本書是術數入門的ABC。

誠然，可以拜師學藝固然係一件美事，好似學彈結他咁，有老師指導自然會比較有方向，不過這些都講緣份，唯有空閒時(if any)用功吧。

***

今天是六月二日。

二零零四年的六月二日，如果沒有記錯，就是我離開畢業後做左二十一個月既地方之日子，走到今天，原來已經是四年了。

那時候，沒有怎樣的打算，總覺得是時候離開一下，畢竟，老氣橫秋的我相信人生苦短，總要在年青時做一些有價值的事，加上當時的社會氣氛，輾轉下就認識到今天的老闆們。

農夫每年都把穀物收割，翌年又再插秧播種，一切看似重覆，卻又是另一個階段的開始。周而復始，這是大地的本質。斗數中的「巨門」就包含這種意思。我把大學時學到的知識(if any)，騙了第一份工回來(真的是騙，因為除了我以外，其他請左既人都係first hon，而我只係second up得好中間個隻)，收成之後就統統交番俾學校，之後就開始另一個階段。

呢個圈(或者個個圈都係)陷阱甚多，J覺得世事很難事事都黑白分明，只得處處提防，靠一套價值觀立身處事。曾經有人問過J，會唔會憎恨那些曾經傷害過我的人，會唔會以其人之道還之其人之身。嗯，惡因必生惡果，做惡事的人正為惡的種子灌溉，我不用做什麼他自有他的下場，何必拖埋自己落水呢。而且，我受過的惡果可能都是某些果報之運作，我只願早日承受宿生既業債，埋單之時找哂所有卡數，如願足矣，何復多求耶！

那一天 一定來(080524)

上面那段片是我認為是台灣最好的政治廣告片(第一次看時是更會毛管動！)。

2000年阿扁選總統。PPP當時人才鼎盛，文宣製作的水準都是一等一，動腦筋的都是最好的專業政治廣告人，這班人不是有錢就可以請返黎，為啥他們要去幫阿扁，因為那時候，台灣人對佢抱有很大的期望。因為那班人相信某種價值，可能是時代的感召吧，又可能是想在有生之年，看到台灣的變天！看到台灣的政黨輪替，擁有這些價值的人是用錢請不番來的！And the rest, as they said, is history.

Jeffreality認為亦希望，他日香港的政治生態出現某些根本性改變時(例如一人一票的普選，例如政黨輪替)，這些情況都一樣發生。Jeffreality希望在這一天來臨之前，好好的做好準備！

***
那麼，當年幫阿扁選的人，今天哪裡去了？

跟很多歷史朝代更替時一樣，開國時總有一班良將在皇帝的身邊，而當朝代未落時，優秀朝中大臣，不是辭官歸故里，就是不屑與朝中那班奸臣共事。2000年幫ppp製作上一段廣告的政治廣告界的no. 1 范可欽，就是2006年倒扁運動的文宣主力製作人！看看下面呢段吧：

雜談 (080508)

話咁快又星期四，Jeffreality知道呢個blog唔係經常update，但都好多謝各方友好都會定時定候入黎睇下。今日請sick leave，有時間pdate下：

再見Bu士

幾間Bu士公司都同政府申請加價，理由當然是成本上升(但不包括人工)，油價近月升到120美元一barrel，創哂新高。今年是選炬年，為免得失選聞，一眾「尊貴的」當然不會贊成加價(不論幾有道理)。問心，如果巴士公司做唔掂，邊個會最大受害者？當然係一眾市民。

大家都感受到，政府用佢既無形之手刻意發展地下鐵(俾地鐵發展上蓋物業，用地產收入補貼地鐵既成本開支)，巴士就又得佢唔會理。第日沙中線，港島南線都發展埋，巴士公司就好快就上摺埋既道路。六、七十年代，要過海就只有坐船，所以當時般公司就靠呢樣賺錢，隨著海底隊道通車、地下鐵發展左之後，過海就唔駛一定要坐船，而家，船公司就只有靠離島線賺錢，過海線早已冇肉食。不難相像，過多十年二十年，巴士會漸趨息微，個個都會走去坐地鐵。

地鐵確實係好方便好快捷，但Jeffreality都唔一定返工放工都坐地鐵，多野諗既時候，就會去坐巴士，沿途睇下風景人事，幾開心架。

PDA Phone

個電話壞壞地，是時候要換部新的了。Jeffreality經常都要出外開會，為左方便記底日程同會議，今次想買部PDA Phone，心目中想買HTC呢隻牌子，呢幾日有時間會去格下價。











Facebook

原本以為係好私人既野，但係由於幾個老闆都已經加入左，經常都有一些不知名的人(common friend就係我個幾位老闆)add我，於是jeffreality唯有send個message俾地，「我係Jeff，你係.....」。

唔係講笑 (080504)

年紀....終於大過腰圍了！

係呢一個咁重要而又有紀念性既關口，Jeffreality一於積極咁想下成為三零部隊之前有咩心願想達成啦：

1. 九月後認真裝潢下屋企；(朋友拜訪寒舍就會發覺Jeffreality的書多得不得之了，但冇地方擺)
2. 睇哂《三國演義》；
3. 認真學習易經、斗數；
4. 煩惱少d；
5. 儘全力處理九月的事情。

請開煩惱，昨日一腦科醫生見到Jeffreality，急步行上前，望下Jeffreality個頭頂，驚叫：「嘩，乜你多左咁多白頭髮！」

答：「咁我有咩可以做令白頭髮少d呢。」

醫生：「剛才有人問我點先可以老左個陣冇老人痴呆，答案好簡單，就係要經常動腦筋。」

答：「咁我成日諗工事既野，唔怕冇機會唔動腦筋，但除左咁，仲可以點？」

醫生：「我唔擔心你冇野諗既…可以賭馬囉。」

答：「怪唔得你做埋馬主啦。第日我有老人痴呆，唔該你收我平d。」

平保(2318)及人壽(2628)之爭

前者08年Q1的股東應佔利潤比去年同期升26%，後者趺60%，近日網上經常有人就呢兩隻股票既優劣「開拖」。認同真理愈辯愈明，Jeffreality覺得投資呢家野，好Personal，最緊要係相信自己既信念，投資一隻股票，如果你唔相信你可以安心持有10年，那管是10分鐘也不要持有！如果相信人壽既前景好，就買人壽囉，如果相信平保好，就買平保囉，自由選擇，始終，你才是金錢的主人。

信念

碰過一些人，就算Jeffreality唔認同佢既理念，但係那些人是真心的為佢相信既信念而付出過青春、自由或者一些佢地覺得好珍貴既物事，那種深刻，卻是令Jeffreality肅然起敬。

如果一天，我不再相信我當初既信念，那就是離開這一行的時候。

及時的協助(080501)

星期三晚上，回家途中，在旺角新世紀對出行人天橋上，和同事在電話上對話。「總之我七月就會遞辭職信，九月就走啦。」「我覺得你地deserve一個更加好既同事囉。」「係呢行我已經做左四年啦，係時候架啦。」

Jeffreality係幾個月前力勸佢入黎做，都未做夠三個月，已經人心思變。不論佢最後既決定係點，jeffreality都會好感激佢，因為今年頭九個月，至為關鍵，有佢係度幫手，真係減輕左負擔，得以專心應付九月個件事。

或者，呢度好難keep得人才，空間有限，心中那一團火總有熄滅既一天，那時候就沒有理由再留下來。個晚食飯，問blogger阿力：「呢行有經驗既人去哂邊？」阿力話有經驗既人都入左政府做，由EO至CPU不等，薪金係一個考慮，另一個因素係當時組織既d大佬心態好嚴重，唔識管理，又唔重視人才，做得冇癮自然就走。

台前既人固然重要，背後支援既係專做blue-collar work，唔容易得到賞識。環視四周，一個個優秀既人才將會相繼離開，千里馬何時遇到他的伯樂？

Blog架(080430)

工作關係，經常都要周圍瀏覽網上有講敝公司既blog，見到幾有論請點幾有sense既blog都會bookmark左佢，方便日後睇番。

係朋友介紹下，今晚會同一位blog架食飯，交下新朋友。又，發現原來幾個好熱門的blog，大部份都是白鴒既前職員寫既，人才濟濟，不愧曾經為第一大檔。

失(080427)

除了忙，近來在工作上有點覺得吃力。開始應付得有點吃力。

如何提升自己？我一直問。

卻得不到答案。

逆向思維及一些謬論 (080409)

在投資理論中，有一種理論叫做「逆向理論」(Contrary Theory)，即是當人人都在唱好買入時，就是離場既時候，反之，當人人都在恐慌的拋售時，就是買入的最佳時機。Jeffreality正身體力行的試驗這套理論，可惜的是手頭只有2%的現金，只能透過調整月供的金額去收集好公司的股票，恆指一日未過25,000點，每月都會繼續獻上8,000元給中移動及中人壽，升過25,000或個別股價到價就減少供款，跌過23,000點就月供10,000銀以上。逆向理論的前提是要知道那一間是好公司，不是亂買，當好公司的股價跌到價格(Price)吸引的水平，就要大手買入，當人人都因為情緒因素(如恐慌、如早前次按危機令唔關次按事既中移動跌得去100幾銀時)而放走手上的好股時，就是相信逆向理論既人買野既時候。至於幾時係走呢？Jeffreality唔知道幾時要走，亦唔打算賣出好公司的股票，世間有一種理論叫Buy and Hold，買入並長期持有。Jeffrealtiy認為最理想既投資方法就是學好基本功，在一定折扣價下買入好公司既股票，只要公司繼續賺錢，就唔駛擔心幾要時賣出，輕輕鬆鬆的，反而要候準機會買多d。

記得005早前被某大行唱衰到第日見85蚊，當時既股價係109元，才不過兩個月，今日005既價已經係131，上星期forbes仲評005為全球最佳公司，力壓花旗、美國銀行，今日睇番當日的所謂大行報告，真是不知所謂。

有時覺得，逆向思維不只適用在投資上，亦在工作上合用。在團體的工作中，如果所有人都被恐懼籠罩，作為領袖就是要第一個人擺脫這種思維，帶領團隊走出低迷之中。反之，當所有人都被勝利沖昏的時候，就要明白樂極必忘形，乾龍必有悔，易經乾卦之九三都說，只有終日乾乾，夕惕若，才能穩步向前行。

近來辦公室被某種不太好的氣氛籠罩，Jeffreality會是第一個走出去的人嗎？

Jeffreality相信只有不斷的吸收知識，透過實踐不斷的自我完善，先可以在各領域更上一層。

***

近日睇電視見到政府宣傳既投資廣告，話風險係同投資組合中股票/債券既成份掛鉤，即是年紀愈大，就要避開風險，而債券是最佳避開風險的投資工具，所以年紀愈大，就要減少股票，增加債券比例云云。

Jeffreality相信，風險絕對同投資組合中的股/債比例冇直接關係。如果你手上係揸住用合理價買入既好公司股票，就算你100%持股都非常安全，因此，風險高低該是由手上投資工具既質素黎決定，同股/債比例完全無關。特區政府又一教壞人之例證。

補充一句，Jeffreality有98%既資產都係股票(005，941，2628)，就算在大跌市中都可以好平靜咁渡過，兩岸猿聲啼不住，輕舟已過萬重山，Jeffreality向目標又行前了一步。