星期三晚上，回家途中，在旺角新世紀對出行人天橋上，和同事在電話上對話。「總之我七月就會遞辭職信，九月就走啦。」「我覺得你地deserve一個更加好既同事囉。」「係呢行我已經做左四年啦，係時候架啦。」
Jeffreality係幾個月前力勸佢入黎做，都未做夠三個月，已經人心思變。不論佢最後既決定係點，jeffreality都會好感激佢，因為今年頭九個月，至為關鍵，有佢係度幫手，真係減輕左負擔，得以專心應付九月個件事。
或者，呢度好難keep得人才，空間有限，心中那一團火總有熄滅既一天，那時候就沒有理由再留下來。個晚食飯，問blogger阿力：「呢行有經驗既人去哂邊？」阿力話有經驗既人都入左政府做，由EO至CPU不等，薪金係一個考慮，另一個因素係當時組織既d大佬心態好嚴重，唔識管理，又唔重視人才，做得冇癮自然就走。
台前既人固然重要，背後支援既係專做blue-collar work，唔容易得到賞識。環視四周，一個個優秀既人才將會相繼離開，千里馬何時遇到他的伯樂？
沒有留言:
發佈留言