Zero Zero Five

今早去了中環總行提取宏利股票。

現在我只得一手宏利股票，扣除加拿大當地的稅項，每次派息可得約100元，一年派四次息，可得400元，不過由005代收股息每次要收手續費30元，一年就120元，而且仲要收200元存倉費，小數怕長計，於是上個月就已經申請提取股票矣。

一直以來，我非常滿意005的銀行服務，每月都會由呢間銀行替我做月供股票，可惜比起其他銀行，005的手續費又確實最高，不過說回頭，一般人都認同佢既服務係最好，所以貴得有道理。香港地，「唔會死錯人既」。

提取完股票，見總行人頭湧湧，於是就坐丁丁返寫字樓附近的分行辦理其他事務。我而家用緊Power Vantage的戶口，明年一月，戶口總值不過200,000者即每月收約120元的手續費，權衡輕重，轉用Smart Vantage即可矣。

宜家將005同中銀的月供股票服務格一格價，如中銀收費便宜及服務方便就會轉用之。

昨日收到005的股息通知書，尤記得上一季約得120股，只派得1股新股，今季(如未扣手續費)則可收6股新股。我會繼續以股代息，讓錢繼續搵錢。