律己以嚴

上個星期得知有兩位朋友會嚮下個月結婚，雖然佢地兩個都唔知我有blog，不過我都嚮度好衷心咁祝佢地婚後生活愉快，兩夫婦白頭同老。

今年都去飲左幾個朋友個餐，總共1男4女，4位女子都係同我差唔多年紀。人地話女仔結婚既時候，係人生最漂亮既一刻，所以有朋友請飲，我都好開心同榮幸去參與。

為了下個月的人情，我要再減少消費了，今個月到今日為止既開支都係預算之內，下個星期會出去食幾餐飯，拉上補下，今個月既開支應該可以繼續少過二千元，如果洗少過千五咁下個月既財政壓力會再少d。

我上星期全面檢視我既固定開支，例如：寬頻同手機通話費。而家呢兩項開支一共係363蚊一個月，於是我打左上去供應商度了解下有沒有減價既空間，換著以前，我一定會覺得幾百蚊既開支，濕濕碎，唔會bother去理。一查之下，我既寬頻上網嚮去年五月已經完左合約，3M上網仲收緊232蚊一個月，而家改左plan，8M收196一個月，十八個月合約送400蚊既超市coupon。由下個月開始，寬頻同手機通話費會係總共250蚊左右，比今個月節省了一百大元。

想想下，原來我仲有兩張免費迪士尼入場卷同埋Grand Hyatt既Dinner coupon未用，而且全部仲係今個月到期tim！

讓時間做証

今晚秋蟬既啾啾聲很響亮，提醒左我時間過得真係好快。

當下的痛苦，可能是幸福的來源。說的是當我們承受傷害時，我們會詛咒給我們帶來傷害的人，並會產生怨恨、憤怒，甚至要報復的念頭。如果能夠跳出狹隘的視野，向後看一看，原來別人給我們傷害的源頭很可能是自己種下，就好像物理中既Action和Reaction，當下的苦楚是償還以前借落既一筆舊債。向後看之後就向前看看，原來你用怨恨去遷怒傷害你的人，只會產生更大的痛苦，反過來，如果你保持內心的寧靜，視痛苦為人生必不可少的經歷，接受人生中種種不如意，前面就會有一條明淨的路在等著你。

一年就快會過去了，你有心結未解嗎？好好在未來數十個晚上思考一下你背上有幾多個由你加上去既包袱，可以放下就放下吧！明年，你會俾自己一個新開始嗎？

中午既時候，翻看小時候的照片，見到細細個好可愛好純真既自己，原來二十多年的時光就係咁就過左去，幾多當時既人和事都已經唔係度，幾多青春就係咁流逝左？當中又有幾多當時認為係好既決定，最後帶來災難，又有幾多當時被認為唔明智既決定，卻帶來祝福？二十幾年後既我，睇番今日既自己，又會係那一番的滋味呢？再二十幾年之後，步入黃昏既我，又會記得今日幾多既人同事呢？

我在努力累積人間既財富，亦都冇忘記要建立心靈既財富。希望有睇呢個blog既朋友都係咁啦。