一開始我已經被安排處理內部工作，所以我不會參與太多的「工程」。今次個主角係我前老細，明天，第一場「工程」會在「發源地」舉行，我會早早的到場幫手。
時間真係過得好快，二十個月前既我，完全估唔到我會再投入呢度。不過又咁諗，如果去年下半年發生「個件事」既時候我仲係做緊年頭份工，我一定會冇心機做野，影響別人對我既評價，就正正因為舊年第二份工夠hea，所以「個件事」發生之後我可以好儘情咁休息。我都唔知點解個時唔搵過第二行，或者係我唔記得點解啦，又或者，我等緊一個機會。渾噩左大半年，過左最困難既日子之後，我來到今日的工作崗位，有我熟悉的人，熟悉既環境，不過係全新既工作。而家每朝出門口，我都帶住輕鬆既步伐番工。
今個星期一做「工程」d野，M小姐走埋我度講：「Jeffreality，你都估唔到有今日啦！由當日既衫sor做到今日。」對，我真係估唔到有今日。我見到老細企嚮台上，雖然今次唔可以近距離咁幫佢，但係我唔會放過任何一個幫到佢既機會，叫我今次唔好幫手？對唔住，我個人仲有少少反叛喎，不過我都會做完我手頭上既工作先幫手，更何況，我係真心支持佢！
1 則留言:
每個人係渾噩果陣都不知所措，而且好似見唔到出路咁，但係一個人要學既就係要明白「柳暗花明又一村」既道理，沉住氣繼續行落去，係寂寞既，但係身邊總有人會支持自己。冇人知第日會發生咩事，所以要經常裝備自己，機會一到，就要預備出發……
到你再到一個「新地方」，就會發覺自己何其輕鬆，原因係你成熟左同大個左，但係呢?情況會不斷出現，直至你為呢個世界貢獻完畢果日為止。
我而家都等緊「再出發」果日既來臨。
發佈留言