無題

戈爾拍了一套「絕望的真相」，引來全球回響。有日同朋友傾開計，佢說戈爾比布殊好得多，替他當年落敗不值。我就話個天唔俾佢選到美國總統，係因為安排左一個更重要既任務俾佢，今時今日，佢同布殊，邊個更受人尊重？

無題二

早幾個月，發左一個夢，夢入面我連續見到同一個人(唔知佢係咩人！)三次，每見佢一次個感覺都好舒泰，佢講左好多野，令我覺得佢好明白我，而且，每見佢一次，我都感覺到我成熟左，仲見到既畫面係不停既日出同日落，之後我醒左，個陣係半夜，唔知點解，即刻流哂眼淚，個一刻，我有一種豁然開朗、解脫左既感受。

無題三

開始慢慢習慣減少不必要開支、減少應酬同日日帶飯的生活。原來記下每日既支出係好好玩，之後睇番就知道自己消費模式既輪廓，而且亦可時刻警惕少買不必要既物品。每次買野既時候，腦海就會出現個spreadsheet算下值唔值得同有冇能力去購買。我擁抱有規律既生活，一來可以儲錢，二來都幾健康，三來生活有節奏，工作效率因而提高。未有買新衣服都有三個多月了，外套，恤衫，牛仔褲，離不開白藍黑既色調，湊成我每日既標準上班服。

今晚一個人想下想下，覺得用幾千銀買一部CD Player唔係好抵，而且屋企部DVD機都未壞，第日壞左至考慮買CDP定係DVD-R啦。

唔會因為得到一樣野而好開心，亦唔會因會失去一樣野而好唔開心。

工作為我帶來收入，如果冇左工作，我會無哂收入，財政會陷入困境，因此今日努力咁儲錢係為左達到「財政自由」- 到時我工作既自的，就係做一些我想做的事，而且唔會因為下個月冇左份工而憂心。有人出左糧會用來享受，唔節制咁用光d錢，我覺得我如果要達到財政自由，就必須減少金錢上的享樂，當有人一定要去高級餐廳食飯，我就隨便吃一頓飽飯就可以了，當然每個人都有一套令自己舒服既生活方式，冇話邊個好，邊個唔好。我唔知道日後既伴侶會點睇今日既我，之不過，我一定唔係識飲識食又有情趣又聰明又叻既人，我只係好Humble又好堅定咁做一個為未來打算既踏實人。我唔懂得太複雜既投機方法，我只識用最愚蠢、最需要紀律既投資方法去達成「小富」既目標。

聽過一位玄學者講，天數既要旨係：「天助自助者」，即係：助人即自助，讀書即自助，自強即自助。所以，任何人都別為了「條命唔好」而嘆息，只要你願意，你可以得到一個「意料之外」的「好結局」。

無題四

今日有Event，見到同事準備得唔好又做得唔夠快，所以同佢講野時態度好差。返屋企想想，覺得自己未有好好控制情緒，既然我早就知道佢應付唔到件事，應該早就同佢安排好，下次都要好好控制情緒同埋要照顧埋同事。無論對佢幾有意見，一日我地係一team人，就要一team人咁做野。