It was the best of times....

呢幾排都真係忙到飛起，番工時就係 sea of email之中穿梭，個個email都有自己個名係入面，突然間好似咩都關我事咁。office既同事，放假既就放假，唔撈既就唔撈，d工作就好自然去哂我度。

唔好既地方係得我一個人(同埋上司)，真係做唔哂d野，唯有邊樣緊要就做邊樣先。好既地方係：簡單。目標單純，權責清晰，沒有人多時候的計算，只有全副心機想把事情做好。因為人少，和同事的配合就更加容易。我有時會想，如果我既同事請兩個星期假都唔會對個office有咩影響，咁呢個同事仲有咩價值要留底，咁炒得架啦，係咪？

近來既事非，閒言閒語特別多，我已經努力去避開呢d會影響工作既事情。經過呢件事，對人有多一層(唔敢講係深一層)既體會。有時覺得，出黎做野就要咁既咩，日日咁戴住面具，唔攰架？

「股市泡沫」講座筆記2

國內銀行業(WS_30014)
銀行實際增長比各分析預期好(p.184)。
林氏承認低估了銀行業需求及發展，查找不足。
對盈利預測可樂觀一點。
只看P/B不足夠。
銀行一出A股，溢價放入reserve，book會升。
銀行靠息差賺錢(存款利息同借貸利息)，同服務費收入。
留意貸款質素。
根據中國銀監，貸款分5個級數(低grade的已收不到息)。
招行合格loan比HSBC還高，所以貴過005。
要留意受關注doubtful的loan，有機會惡化(doubtful and substandard)。
買招行(3968)的投資者好專業。
交行write-off方面比較進取，05年40億，06年80億，可能受HSBC影響，儘早write-off所有壞賬。

HSBC
HSBC 07年見底，因06-07年write-off最保守。
05-06年業績不佳，因為短息高過長息(3個月4厘半，10年5厘)，影響收入(p. 202)。
以前80年代尾，yield curve，長債息口大過短期息口，息差大，所以賺錢。
HSBC的經營策略：盡早完成所有write-off；等息差擴闊，可以再用股票收購其他資產。
因此買HSBC要留意週期、大氣候。只要息差拉闊，就是等收錢的時候。
孤兒寡婦金(p. 206)。過去三十年雖然曾經賺少錢，不過現金流強勁，派息依然慷慨。
買HSBC，不會買錯。
阿媽教落，有錢就買匯豐！
下次有金融危機，就以股票收購(p.210)。

「保險股」(26 mins)
以美國過往經驗，保險股比銀行股跑得快(p. 88)
69-00年AIG升200倍；Bank of America(50、60年代很進取的公司)升30-40倍。
行業性質不同，保險公司經營比銀行優勝，成本低(沒有分行)；很少人斷供人壽保險，賠款有數計，銀行風險有擠提、壞帳，例如交行，壞帳佔股東資金一半。
現時國策向保險公司傾斜,保險公司可做金融生意，但銀行不可做保險(p.89)。
出錯乃學習過程：從中國人壽的股權變數，機構投資銀行都會出錯，買唔番。德意志、KBC、法興、UBS都由去年尾起增持中國人壽。72億流通股票中至少已有42億被大行持有。
宏利(945)沒有保單增長都可以有2倍P/EV，所以高增長的中國人壽、平保可以有3-4倍P/EV。
個案分享，成日顧住價位，不如長期持有(48-55mins)。
做資本家，要專心投資落好公司，不要受股價波動，好似做一盤行意咁。
今年平保發A股會跑得快過中人壽(WS_30016)
06年EV$10
07年EV$18，3倍P/EV=$54；4倍P/EV=$72

「電力股」
華能盈運和控制成本能力高。
風險：煤價升，對成本有影響；煤電聯動推遲。
考慮：賣了幾多度電，成本，總開支。(p.125)
觀察多幾個月，例如七月應加價，卻不加。如電費不能加，換馬。

「監察手上持股」(10mins)
如何衡量生意的表現。
(P.83)比較聯通和中移上客量，上客比例，ARPU，持有941放心好多。
不要相信圖表，要相信相據及營運能力。
要有剪存手上公司所有新聞的習慣，還要細讀。

「貴金屬」(19mins)
不保值，只係博有另一個傻瓜同你買。
不會產生現金流和利息。

面對人性

我對他曾經有過同情。

事件發展至今，他可曾有過一點後悔？到處怪責別人、機構，他有否想過，機構是可以報警的。後果是不堪設想。

恢復月供

早幾個月，擔心周轉不靈，因此停了月供股票(Monthly Stock Investment)。

今早臨出門口返工前，去左HSBC的online banking設定左月供股票，今次唔係供005，而係每月用5,000供2628 - 中國人壽。

2628現價係$32.7，如果預計07年有30%既增長，咁而家已經係Embedded Value既4倍，偏貴。

咁點樣現價咁貴仲要做月供？

因為我當月供係儲蓄既一部份，唔理係升市定趺市，每個月我都起碼用一部份儲蓄供股，就算日後派息，我都用股息買番2628，用時間靜候複利既威力。過多兩年，我就三十歲了，我好想早日達到財務自由，之後我可以專心做我喜歡做的事。炒股可能可以致富，不過用呢個咁愚蠢既月供投資方法比較啱我。

月供以外，我會繼續蓄錢，希望明年年初可以入多一手匯控。

工作、讀書已經佔去我大部份時間，月供係最好既投資理財方法，005，941，2628，3968任選一間，理財愈早愈好，希望初出黎做事既朋友可以留意一下吧。

「股市泡沫」講座筆記1

依據網上其他博客再加上少少修改的notes：

參考了1929年華爾街，1973年香港的經驗，A股已經安全著陸。
領導人已吸收經驗，用宏調措施影響經濟。
A股泡沫主要在ST股。
次按只是小問題。
大問題，要留意長債(inverted yield curve)。
債券災：5年債券孳息率由4.5%升至5.2%,即價格跌了13%，30年孳息率再可能由5.3%升至6%，即潛在跌幅可達13.5%，潛在債券總跌幅可達27%，暫時對股市衝擊未算嚴重，因為30年債以6厘息計算，6%即1/0.06=16.6P/E，相對美國杜指現時18倍P/E，相差未算太大。
原因：市場錯價，短債貴過長債。
去年出現inverted yield curve(藍色：聯邦基金利率，紅色：短期債券利率(1年)，啡色(30色)，綠色(10年)，即藍色高過紅、綠，即儲備局扯緊銀根。89年、2001年衰退。P.169)，但衰退沒有出現。過去一年，很多專家估錯，以為美國樓市差會引發衰退，但是忽略了全世界多個經濟體系同步擴張，例如BRIC(金磚四國)帶好美國出口。
衰退沒有出現，長債孳息率一定要高過短債息口，起碼6厘。
國債到6厘，企業債劵價一定跌(2000年，國債6厘，次一級的國家債券，哥倫比亞，高到15厘。98年金融風暴，企業債20厘。)
因此，美國不會減息。
仍有stupid money買美債，例如香港的任志剛，中國外貿盈餘。
所以美債息仍未升，儘管real interest低
Smart money放棄債券，投入股市，因為預見通脹來臨。
80年代，美國息口去到22厘半，債券息口去到15厘。個個買債券，美金↑。90年代中期去到2000年。
買債券怕匯價跌(儲備局加息)及通漲。
美匯指數歷年來低多過高。
因亞洲各國有太多外貿盈餘才會在債息同real interest相差無幾時，仍買美債(這是stupid money)。(30mins)
因債券會行先過股災，觀察債券可預測股災。
長債息一升，股就跌或橫行。(40mins – 債券對道指的關係)
30年債券6厘還算安全、合理(p/e=1/0.06=16.6)，但8厘就要留意(p/e=1/0.08=12.5)，股市相對會作大幅度調整。

油價，FEDrate，CPI之關係 (47 min)
藍色：油價
紅色：聯邦基金匯率(Fed Fund)
綠色：CPI
油價行先過CPI。
CPI係用按年升幅計，未能反映真實情況。
CPI由不同component組成，有個別component升(e.g.能源)有個別跌(e.g.電腦)，要包括食品和能源才是真實情況。
股市爆破要留意：CPI、油價、30年債券息率、通脹，Fed Fund只是滯後數據。
FED只留意通漲，不理經濟，只會在衰退發生後才減息，目的為維繫對美元信心。(參考二千年前西羅馬亡國經驗)(2004年1厘利率)
5厘債，通漲3.5厘，實際利率1.5厘，而人民幣每年升值4%，實際上中國補貼緊美國。
通脹不可能高過FED利率。
FED最怕油價高，引發通漲。(61mins)
油價留意5年期油價。
06年現貨油us$78，5年期油us$68。
最近，5年期油us$73。
5年期油無人炒，純由煉油商與採油商決定，用家買賣。
油價令食物價錢上升。
油價$60-70橫行對油商極不利，會減少profit margin，從中石油06年業績可見。
息口不變，CPI落，油價落，機構投資者即買股票。(p.168)
聰明錢買國企，所以現時只是小泡沫，估值仍合理。

過往泡沫 p. 133-140 (74 mins)
81年：fedrate19%，p/e21
87年：fedrate10%，香港3個月拆息升，再加上長和系送紅股再拆細炒高股市，然後集資100億。(p.149 – 150)

泡沫爆破 (WS_30013)
94年：香港可以用3個月拆息睇股市(由3%到7.25%)，息口見頂，股市見底。息口見底，股市見頂。
97年：3個月拆息去到16%。
P.140：通脹行先利率。
只有當公司出現問題或宏觀/經營環境改變才做，即清倉(如數碼通p.158)。因此沒有止蝕！
中移動股價上升落後於盈利增長，謂之市場錯價。

豈能盡如人意

要離職的同事對我有著極大的誤會。昨日番到辦公室，他要和我傾兩句，老實講，我都好怕面對情緒波動既佢，不過我始終覺得有責任去同佢講清楚我知道的事，而且老闆們都同意我咁處理。

真遺憾，人的世界永遠有勾心鬥角。我慶幸從第一天工作到今日，我從不參與小圈子，埋堆(所有有鑊就最易瀉俾我，好似今次我又俾人擺左上枱)，相信應該做就做，唔應該做就唔做，有時真係連骨頭也要啃。今次，同事雖然有誤會，但誤會經不起印證。最後，慶幸我未有失去一個朋友！ 也許亦是天真的想法，總覺得行事只要無愧於心，理直氣壯，比事事機關算盡來得輕鬆愉快。

每個人都要為自己的行為負責，一個同事離開了，我衷心希望佢可以吸取教訓，尋找另一個更好的人生舞台。如果今次事件當中有人存心加害，我亦好相信呢個人唔會有美好的將來。

無言

昨晚很累，早了去睡。今早七時起身，一看電話，原來錯過了九個來電。聽完唯一一個留言後，成個人都醒哂。

每一件事都有合適、恰當及體面的處理方法。

係呢一刻，件事既發展，係去緊一個唔太理想既方向。

不論係點，呢個月之後，我肯定會有兩個新同事。

投資月記

現時持有的組合：
005
941
945
2628
3988

去完林心遲既講座，睇完佢本書之後，我會考慮優化投資組合。佢個講座冇話教人買咩股票，只係講投資既方法，如何去運用數據做分析，同埋用一個咩野既心態投資。

當你買一隻股票既時候，你要用「做老闆」既心態去睇呢一盤生意買唔買得過，買左之後，就睇間公司既業務交唔交到功課。經過思考同分析，如果間公司既前景係好既，就買。相反，前景有變，就咩野價都要放！好似匯豐，而家係佢既低潮期，股價長時間跑輸恆指，不過根據歷史，今年之後，就係股東身家上升既日子。如果唔係咁，中東王子做咩係低位時以數十億美元大手鯨吸匯豐股票呢？

即將沽出既股票：
3988

考慮沽出並換馬既股票：
945

繼續收集既股票：
005
941
2628

考慮新增股票：
3968

方法：
以月供方法供股；或
夠錢就買

形式：
由於工作及學業已經佔去我大部份時間，因此不可以日日留意價位待機買入，所以月供股票是比較理想的做法。持有及留意3-4隻股票已經足夠。

考慮九月起每月撥2500元月供2628，另外2500元月供3968，如果不買3968就全部買哂2628。

又或者蓄夠一手就買，蓄夠一手又買。

另外，蓄起餘錢買大笨象005及941。

***
今時今日，匯豐既業務已經遍佈全球，如果佢出左事，要破產，全世界既金融體系會有相當大既震盪，各地政府都唔會俾呢d件事發生，持有匯豐係會非常安心。

今日既中國，電訊業同保險業涉及軍事同民生，中國政府刻意栽培呢兩個行業，絕對唔會俾佢地出錯。只要政策方向不變，佢地既發展潛力係相當之大。

安內

十一月有個大project要做，呢個係公司成立以黎第一場正正式式的硬仗，係對外既戰線未開始之前，內部已經靜靜開始一場整頓工作。

同事的小動作太多了，多得連我這個咁蠢頓的人也看得出來，而其他人早己開始行動了。

當初組班時，以為呢幾個核心既職員可以完班人馬攪好今、明兩個大project，可惜人心始終易變。

呢件事為我同其他同事帶來困惑不安，希望係今個月有個明確決定，否則連累的是公司同埋一班幾十個上戰線的同事。

期待

七月十三日：放低左兩年之後，第一日上學的日子。
七月十四日：林心遲在港大的講座。
七月廿五日：同阿爸阿媽去睇醫生。

多得nana的幫忙，十四號佢可以代我上堂，咁我就可以走堂去港大聽講座了！


















***

下星期一，會有個義工幫我手做野。以前呢，d野我可以一個人做哂，不過隨著手頭上既工作愈來愈多，而家好多野我唔可以再一個人處理了。呢幾日我會想下有咩可以分俾個義工做，希望佢做完幾個星期之後，有野學到啦。

其實同人夾住做野(即係拍住上)真係一件困難既事，我呢d咁麻煩既人就好怕拍住一d態度唔認真既同事，如果要我揀，我寧願要一個態度認真，但能力稍遜既人合作啦，因為先天不足，後天一定可以補救。反而，有天資，不過懶散，不過是小聰明矣。

***

故人終於都搵到工了，希望佢星期一開始有一個令佢有所發揮的工作環境吧！