終於買了一份人壽加醫療的保險。我比較著緊老年既醫療開支，所以我同agent見面之前會同佢地講明我呢個要求，我既醫療保係去到100歲(我邊有咁長命呢)，而最後個policy都未超出預算。買保險既原因，係唔想自己出左咩意外，而要增加家人既負擔。由於我唔想每月分期供，於是選擇左每年俾一次。保險加上下個月要交兩萬幾銀的學費，又要買notebook(仲未有時間去睇)，因此呢幾個月既開支會幾大，令到手頭只剩20%左右既現金。
星期日，終於做左一件我本應由四月開始做既事，好希望我可以每天早上七時左右起身，一星期做兩至三次先番工。不過，好多時呢d野會做做下斷左唔做，唯有嚴守紀律，加強自制。由於太耐冇做，做完之後個膝頭哥攰到行唔到咁濟，十分鐘既路程要爬番去咁濟呀！
星期日要去做野，去到工作既地方，突然間落左好大雨，我冇帶雨具，後果可想而知，拜託，明天起身時，唔好頭暈身慶，我不想再傷風。今日行既時候，同兩個人傾左好耐，一個係胡so張，佢行埋黎話佢做左一個好錯既決定(咁即係要幫手啦)，咁我就順便幫同佢講我有個朋友好有興趣apply佢office份工。阿wen，之後就靠你了。另一個係連打，同佢都幾好傾架。其實我好喜歡呢類同人相處既時間，縱然今日個人係濕哂，我都非常enjoy。
星期三, 5月 16, 2007
選擇
Winston Churchill講過：' We shape our buildings, and afterwards our buildings shape us.'
***
每個人都一定有一套獨特既生活態度同埋處事方式，令你成功的一套放在我身上，可能不管用，反之，我的一套放在你身上亦可能是行不通。
我們要經常作出決定，揀讀邊一科、做邊份工、結交朋友，每一樣都多多少少影響往後的人生。人生中，重要的決定不外乎三數個，在交叉點轉左或轉右，是可以有兩個極端的結果。
***
呢幾排身體唔好，去左睇中醫，希望可以調理一下。醫師執左兩劑過我，原來調理身體既藥方係唔苦的，而且仲好好飲tim。尋晚飲完藥之後，唔知點解，九點幾就開始好眼訓，迷迷糊糊之間就訓到今朝六點幾。
睡眠充足，心情都平淡一點。
我是好享受每一日當中既安靜平淡時間。例如，我會選擇揀一條少人行的路由旺角行番屋企、聽歌、睇書，呢d都係令我心情寧靜的方法。我唔係任何事可以睇得開，睇唔開既時候，書本就係開解我既最佳工具。
每個人都有一條獨特既路要行，緣份到就遇上，緣份去就離別，聚合或許是人生的常態，得失有時也不必介懷。
小時候，父母老師教既野你仲得記幾多？佢地都教我做人要誠實正直、助人為快樂之本、勿存害人之心、做事要負責任、勤奮、用功。長大後，依著小時候的教訓去做人，有時候(或者經常)都會吃虧、蝕底，但係回頭一諗，立身處世，只要本著良知，無慚於心，又何必處處斤斤計較呢？
是選擇決定命運，還是命運決定選擇？
沒所謂吧。
***
每個人都一定有一套獨特既生活態度同埋處事方式，令你成功的一套放在我身上，可能不管用，反之，我的一套放在你身上亦可能是行不通。
我們要經常作出決定，揀讀邊一科、做邊份工、結交朋友，每一樣都多多少少影響往後的人生。人生中，重要的決定不外乎三數個，在交叉點轉左或轉右，是可以有兩個極端的結果。
***
呢幾排身體唔好，去左睇中醫，希望可以調理一下。醫師執左兩劑過我，原來調理身體既藥方係唔苦的，而且仲好好飲tim。尋晚飲完藥之後，唔知點解，九點幾就開始好眼訓，迷迷糊糊之間就訓到今朝六點幾。
睡眠充足，心情都平淡一點。
我是好享受每一日當中既安靜平淡時間。例如，我會選擇揀一條少人行的路由旺角行番屋企、聽歌、睇書，呢d都係令我心情寧靜的方法。我唔係任何事可以睇得開，睇唔開既時候，書本就係開解我既最佳工具。
每個人都有一條獨特既路要行，緣份到就遇上，緣份去就離別，聚合或許是人生的常態，得失有時也不必介懷。
小時候，父母老師教既野你仲得記幾多？佢地都教我做人要誠實正直、助人為快樂之本、勿存害人之心、做事要負責任、勤奮、用功。長大後，依著小時候的教訓去做人，有時候(或者經常)都會吃虧、蝕底，但係回頭一諗，立身處世，只要本著良知，無慚於心，又何必處處斤斤計較呢？
是選擇決定命運，還是命運決定選擇？
沒所謂吧。
星期一, 5月 14, 2007
所謂「同事」
今日係我新上司第一日番工既日子，同事要逐個同佢傾下計。
表面上，同事之間當然係冇咩野，飲茶既時候眾人都笑騎騎。
一同事見完新上司之後，行過我既位時，先講左幾句無聊野，之後，係咁講既：
「佢問我覺得個office有咩問題，我就話冇咩問題(我心想：唔係呀化，你以前唔係咁講架喎)。而我知你對個office有好多意見，所以我已經將你個d問題講哂出黎！(你又知我想講咩？)」
呢位同事，真係識擺我上枱，其他同事都係我地既前後左右，聽到哂你講既野。新人上任，估唔到咁快就出招！
「下，唔係呀ma，係都唔駛你幫我講啦。你自己想講就講啦。」我依舊用我的Poker Face對住佢講。見到佢有野想講唔講咁，之後就咁就番左埋位。我地既對話亦就此結束。
我係今年初都講過，今年做事要低調，所以有好多位我都「多一事，不如少一事」，加上人事變動在即，事事都想睇定d先，絕對唔會「攪」任何人。而且由於之前工作上的不愉快經歷，同事以為我很怕事，有野唔出聲，有時就係擺到明恰上心口咁款。
我諗做人有時候都要均真少少，你(地)今日係我身上佔盡便宜，他日，我相信一定有呢個機會，我會完完整整咁還番俾你地，保證原銀奉還，一蚊都唔多俾你！
你或者會覺得：「車，呢d野，係office都有啦！有d咩咁出奇！你都做左咁多年野，唔係仲睇唔開呀。」
老實，我直頭覺得呢d人係白痴( I mean it!)，攪咁多野，諗咁多藉口，講到底，都係為左自己！不幸的是，我身邊都真係幾多呢d人，有時就係好難睇得開架，個standard唔係要去到咁低呀。
今晚係屋企食完飯、洗埋碗之後，我一個人係廳度聽歌。
由於都幾唔開心，所以要熄哂廳既燈，合上眼睛黎聽歌(呢個係聽歌減壓既最佳setting，當然一套好既音響組合都好緊要的！)，聽左四十五分鐘左右，心情先至平伏落黎。
表面上，同事之間當然係冇咩野，飲茶既時候眾人都笑騎騎。
一同事見完新上司之後，行過我既位時，先講左幾句無聊野，之後，係咁講既：
「佢問我覺得個office有咩問題，我就話冇咩問題(我心想：唔係呀化，你以前唔係咁講架喎)。而我知你對個office有好多意見，所以我已經將你個d問題講哂出黎！(你又知我想講咩？)」
呢位同事，真係識擺我上枱，其他同事都係我地既前後左右，聽到哂你講既野。新人上任，估唔到咁快就出招！
「下，唔係呀ma，係都唔駛你幫我講啦。你自己想講就講啦。」我依舊用我的Poker Face對住佢講。見到佢有野想講唔講咁，之後就咁就番左埋位。我地既對話亦就此結束。
我係今年初都講過，今年做事要低調，所以有好多位我都「多一事，不如少一事」，加上人事變動在即，事事都想睇定d先，絕對唔會「攪」任何人。而且由於之前工作上的不愉快經歷，同事以為我很怕事，有野唔出聲，有時就係擺到明恰上心口咁款。
我諗做人有時候都要均真少少，你(地)今日係我身上佔盡便宜，他日，我相信一定有呢個機會，我會完完整整咁還番俾你地，保證原銀奉還，一蚊都唔多俾你！
你或者會覺得：「車，呢d野，係office都有啦！有d咩咁出奇！你都做左咁多年野，唔係仲睇唔開呀。」
老實，我直頭覺得呢d人係白痴( I mean it!)，攪咁多野，諗咁多藉口，講到底，都係為左自己！不幸的是，我身邊都真係幾多呢d人，有時就係好難睇得開架，個standard唔係要去到咁低呀。
今晚係屋企食完飯、洗埋碗之後，我一個人係廳度聽歌。
由於都幾唔開心，所以要熄哂廳既燈，合上眼睛黎聽歌(呢個係聽歌減壓既最佳setting，當然一套好既音響組合都好緊要的！)，聽左四十五分鐘左右，心情先至平伏落黎。
星期日, 5月 13, 2007
母親節記事
早上胃痛痛醒。原因不外乎：1)休息不足；2)壓力大；3)飲食不定時。
八點幾就去左始創既酒樓等位，屋企人到既時候，我已經睇哂成份生果報。認真睇今日份報紙(除馬經及賭波版外)，係要一個半小時的。董橋的文章尤是吸引。
***
「冥」
大家會點讀呢個字？我會讀「皿」，器皿個皿。
今日睇報紙先知無記既配音組要跟中大o個個「正字」何教授教個d正音，要將個冥字讀成「明」字！所以，星矢冥王篇就係要讀作星矢「明」王篇。又，冥冥之中自有安排就要讀成「明明」之中自有安排。
係真唔係呀。
***
今日飲茶有媽子，爸，阿哥，阿auntie，同埋阿媽子既朋友，而佢既朋友又帶左佢兩個女黎。或者阿爸覺得我份工唔見得光，佢同媽子既朋友講我仲係做緊以前份寫字樓工。
***
飲完茶，我同媽子和Auntie開開心心咁去左又一城，佢地去左M&S睇女人衫，我就想起下個月有個場合要出席，又唔想次次都係著個套西裝，於是我就行左去睇西裝了。行左幾間，試過幾套都唔係好合心水，最後係agnes b.試到一套好合身、又合心、又好好睇既，我習慣買一件上身要加兩條西褲，因為褲通常冇上身咁「噤」，買兩條會令成套西裝著得耐少少。埋單既價錢都真係幾貴，不過算啦，自從寫呢個blog以黎，都已經有成九個月冇買過新衫了，偶爾都要放肆一下吧(加上又係我牛一呢，早幾日)。
八點幾就去左始創既酒樓等位，屋企人到既時候，我已經睇哂成份生果報。認真睇今日份報紙(除馬經及賭波版外)，係要一個半小時的。董橋的文章尤是吸引。
***
「冥」
大家會點讀呢個字？我會讀「皿」，器皿個皿。
今日睇報紙先知無記既配音組要跟中大o個個「正字」何教授教個d正音，要將個冥字讀成「明」字！所以，星矢冥王篇就係要讀作星矢「明」王篇。又，冥冥之中自有安排就要讀成「明明」之中自有安排。
係真唔係呀。
***
今日飲茶有媽子，爸，阿哥，阿auntie，同埋阿媽子既朋友，而佢既朋友又帶左佢兩個女黎。或者阿爸覺得我份工唔見得光，佢同媽子既朋友講我仲係做緊以前份寫字樓工。
***
飲完茶，我同媽子和Auntie開開心心咁去左又一城，佢地去左M&S睇女人衫，我就想起下個月有個場合要出席，又唔想次次都係著個套西裝，於是我就行左去睇西裝了。行左幾間，試過幾套都唔係好合心水，最後係agnes b.試到一套好合身、又合心、又好好睇既，我習慣買一件上身要加兩條西褲，因為褲通常冇上身咁「噤」，買兩條會令成套西裝著得耐少少。埋單既價錢都真係幾貴，不過算啦，自從寫呢個blog以黎，都已經有成九個月冇買過新衫了，偶爾都要放肆一下吧(加上又係我牛一呢，早幾日)。
星期六, 5月 12, 2007
安心持有941
星期五，早上出門口前個經紀朋友打俾我，告訴我早一日美國股市趺市，941的競價盤係港股開市前做緊$70.50，問我入唔入，我同佢講既然今日香港會係趺市，就睇多陣先，最好係$70，甚至過$70先入。
個朝有事要十一點至番到office，盤算左一陣，最後都call左我個agent係$70.6入左我好期待擁有既中移動。$70.6唔係特別抵既價錢，叫做係合理價，等佢第日係$70元之下會要入。如果當日有入市既朋友，要記著佢既股價波幅係非常之大，而且波幅係可以完全脫離基本因素，好似星期四咁，美國股市擔心當地經濟會係下半年衰退，同埋擔心日本會加息而引發股價下趺，呢點同941的基本因素無關，蓋其業務是不受美國經濟的影響！不過，持有941的朋友都要知道，佢係大戶舞動恆指的最佳工具，成日俾人推高拉落，所以日後股價見6字頭既時候都唔好驚慌，反而，呢個就係call你agent再入貨再加碼的時候了。
持有的股票：
匯控(005)；
中移動(941)；
宏利(945)；
中國銀行(3988)。
候機而買的股票：
20元左右的中國人壽(2628)。
如果你想學習投資，以下呢一本係值得一讀、二讀、三讀的書。
***
星期五晚，約左郭零同線形食飯，是幾年沒見的朋友了，見面就一定是風花雪月，高談闊論一番。畢業後，很少見下一莊的朋友，希望各人都安好吧。
個朝有事要十一點至番到office，盤算左一陣，最後都call左我個agent係$70.6入左我好期待擁有既中移動。$70.6唔係特別抵既價錢，叫做係合理價，等佢第日係$70元之下會要入。如果當日有入市既朋友，要記著佢既股價波幅係非常之大，而且波幅係可以完全脫離基本因素，好似星期四咁，美國股市擔心當地經濟會係下半年衰退，同埋擔心日本會加息而引發股價下趺，呢點同941的基本因素無關，蓋其業務是不受美國經濟的影響！不過，持有941的朋友都要知道，佢係大戶舞動恆指的最佳工具，成日俾人推高拉落，所以日後股價見6字頭既時候都唔好驚慌，反而，呢個就係call你agent再入貨再加碼的時候了。
持有的股票：
匯控(005)；
中移動(941)；
宏利(945)；
中國銀行(3988)。
候機而買的股票：
20元左右的中國人壽(2628)。
如果你想學習投資，以下呢一本係值得一讀、二讀、三讀的書。
***
星期五晚，約左郭零同線形食飯，是幾年沒見的朋友了，見面就一定是風花雪月，高談闊論一番。畢業後，很少見下一莊的朋友，希望各人都安好吧。
星期二, 5月 08, 2007
是我不想睡
都不只是一次了。
睡前都會在床上看書，睡意來的時候，我卻不是第一時間去關燈睡覺，而是掩卷，之後合上眼睛，心想：「唔，是累了，讓我小睡一會，醒來再看。」
通常這個小睡，是睡個六、七小時，醒來已是香港早晨。
平日會因為忘記關燈，浪費電力而有少少內疚。
昨夜卻是一場難忘的災難。我拿著螢光筆在間書，由坐著間到躺著間，睡意來的時候，我又是掩卷，之後合上眼睛，心想：「唔，是累了，讓我小睡一會，醒來再看」。今次有點不同，因為我是拿著螢光筆，是Faber-Castell，我喜愛這個牌子的螢光筆，因為佢夠光，又夠水份，間書時不會在紙張上發出吱吱的聲音。
一如以住，八時了，醒來的時候，感覺到螢光筆的筆蓋在手臂的位置，那麼，支筆呢？
無謂去形容吧，總之，我的白底衫的右邊給「螢光」了，脫了衣服時都見到幾個螢光印，和notes上的螢光漬有「互相輝映」之妙，加上枕頭的右下角都給「螢光」了，令整幅圖畫生色不少。
都話Faber-Castell的筆夠水份架啦。
***
中午應朋友約，去了金鐘香記的夏宮用膳，後面坐了前「手袋黨」的幾位女士，依稀聽到他們提到良震鷹的名字，不過就聽唔清楚談話的內容了。
別過朋友，路過香港公園，兩點的陽光把園中的花朵映照得特別燦爛，那一班在新顯利上班的大律師剛剛在露天餐廳享受完一頓午餐。以前經常路過此處，現在，卻好像換了人間。
一切都是那麼熟悉。
卻又陌生。
睡前都會在床上看書，睡意來的時候，我卻不是第一時間去關燈睡覺，而是掩卷，之後合上眼睛，心想：「唔，是累了，讓我小睡一會，醒來再看。」
通常這個小睡，是睡個六、七小時，醒來已是香港早晨。
平日會因為忘記關燈，浪費電力而有少少內疚。
昨夜卻是一場難忘的災難。我拿著螢光筆在間書，由坐著間到躺著間，睡意來的時候，我又是掩卷，之後合上眼睛，心想：「唔，是累了，讓我小睡一會，醒來再看」。今次有點不同，因為我是拿著螢光筆，是Faber-Castell，我喜愛這個牌子的螢光筆，因為佢夠光，又夠水份，間書時不會在紙張上發出吱吱的聲音。
一如以住，八時了，醒來的時候，感覺到螢光筆的筆蓋在手臂的位置，那麼，支筆呢？
無謂去形容吧，總之，我的白底衫的右邊給「螢光」了，脫了衣服時都見到幾個螢光印，和notes上的螢光漬有「互相輝映」之妙，加上枕頭的右下角都給「螢光」了，令整幅圖畫生色不少。
都話Faber-Castell的筆夠水份架啦。
***
中午應朋友約，去了金鐘香記的夏宮用膳，後面坐了前「手袋黨」的幾位女士，依稀聽到他們提到良震鷹的名字，不過就聽唔清楚談話的內容了。
別過朋友，路過香港公園，兩點的陽光把園中的花朵映照得特別燦爛，那一班在新顯利上班的大律師剛剛在露天餐廳享受完一頓午餐。以前經常路過此處，現在，卻好像換了人間。
一切都是那麼熟悉。
卻又陌生。
星期一, 5月 07, 2007
讀好書
http://www.books4you.com.hk/content.html
專訪趙廣超：學問是一種手工藝
文：梁文道，協力：潘詩韻，攝：謝至德
好期待，等日我可以拿住趙廣超製作的小冊子在紫禁城裡遊歷。
星期四, 5月 03, 2007
投資方向
005(匯控)07年第一季派息0.18美元，預計今次以股代息可得2股新股。
很久都沒有留意市況，昨晚見941(中移動)落到$70.94，以為今天會見$70或低過$70，結果都是事與願違，今午見$72。
投資組合有005，945(宏利)同3988(中銀)，中銀則是候機而沽，現時等待機會持有另外兩隻股票：941和2628(中國人壽)。
當941和2628的股價分別見$70和$20，則馬上入一手。由於初入股海，暫時未有本領去高賣低買，所以只會等待股價落到某個價位先入貨。941佔恆指比例重，經常被人「舞上舞落」以推高或拉低指數，所以比2628更容易見心目中的理想價錢。
下半年的投資方向仍然是非常簡單的DIY，是繼續月供005，維持低開支，償還債項，將剩餘資金儲起，由九月開始，清還所有債務後就可以大幅增加每月的儲蓄金額。
941係未來兩年的盈利增長一定比005高，理性上應該月股941，儲起金錢，候機買入005(買入價的10%為52周高位，若52周高位是$150，那理想價就是$136，005一年派4%息，加上10%的股價增長，一年有14%的增長已經是非常理想)。那麼，為何我仍然選擇月供005？大概是情意結吧，這個是一點都不理性。
至於目標呢？目標係六十五歲時有資格成為私人銀行的客戶，門檻係要除住宅外，流動資產總值最少一百萬美元，到時候，就可以安心退休矣。
就算人工不高，只要肯去儲蓄，肯去作出穩健的投資，並持之以恆，嚴守紀律，我相信達到「小富」是一個非常Humble的目標。
都係個句，希望當各位努力累積人間的財富時，亦都不要忘記提升心靈的財富。如果你硬是要說那一樣較重要，那麼我一定會選後者。
很久都沒有留意市況，昨晚見941(中移動)落到$70.94，以為今天會見$70或低過$70，結果都是事與願違，今午見$72。
投資組合有005，945(宏利)同3988(中銀)，中銀則是候機而沽，現時等待機會持有另外兩隻股票：941和2628(中國人壽)。
當941和2628的股價分別見$70和$20，則馬上入一手。由於初入股海，暫時未有本領去高賣低買，所以只會等待股價落到某個價位先入貨。941佔恆指比例重，經常被人「舞上舞落」以推高或拉低指數，所以比2628更容易見心目中的理想價錢。
下半年的投資方向仍然是非常簡單的DIY，是繼續月供005，維持低開支，償還債項，將剩餘資金儲起，由九月開始，清還所有債務後就可以大幅增加每月的儲蓄金額。
941係未來兩年的盈利增長一定比005高，理性上應該月股941，儲起金錢，候機買入005(買入價的10%為52周高位，若52周高位是$150，那理想價就是$136，005一年派4%息，加上10%的股價增長，一年有14%的增長已經是非常理想)。那麼，為何我仍然選擇月供005？大概是情意結吧，這個是一點都不理性。
至於目標呢？目標係六十五歲時有資格成為私人銀行的客戶，門檻係要除住宅外，流動資產總值最少一百萬美元，到時候，就可以安心退休矣。
就算人工不高，只要肯去儲蓄，肯去作出穩健的投資，並持之以恆，嚴守紀律，我相信達到「小富」是一個非常Humble的目標。
都係個句，希望當各位努力累積人間的財富時，亦都不要忘記提升心靈的財富。如果你硬是要說那一樣較重要，那麼我一定會選後者。
星期二, 5月 01, 2007
知道又如何
近日為家中的事而煩惱，所以沒有心情去寫blog，事緣阿哥想同人夾份做生意，問阿媽借一筆(對我而言)都幾大額既金錢。我聽完佢既計劃就非常惆悵，因為我聽完都唔覺得佢個計劃係可行。
尋日，我同媽子講，阿哥既兄弟宮係極之不佳，主兄弟感情不深(唉)，而兄弟宮又引伸為工作上合作既伙伴關係，故此，佢絕不宜與人合作(但與異族人合作則性質相反)，蓋因其格為場面上朋友多，一深交即有陰私，或而因此招惹災禍。
不過，講完又如何，媽子都係繼續幫佢搵人借錢。
***
星期六上午同阿爸，姑姐同表哥去將軍澳探祖母，記得細個時見到佢就一定有蛋卷食，所以我可以係話我從細就鍾意食蛋卷。係年幾之既一晚，我地全家去探佢，就係個一晚，佢就離開左了。享年九十有九。
拜過祖母，不期然望下佢身邊既鄰居，當中有一位四歲既小妹妹，佢個位好明亮潔淨，應該常有打掃，佢咁細個就夭折，不禁令人惋惜。生命一向都是脆弱，終有一天，我會離開塵世，只盼當時能夠了無掛慮，驀然回首，有過一段不平淡的人生。
所以，積極活好每一天吧，朋友！
星期六晚同阿黃同林偉去左奧海城既元氣，係度多謝佢兩位既邀請。就是有心。
尋日，我同媽子講，阿哥既兄弟宮係極之不佳，主兄弟感情不深(唉)，而兄弟宮又引伸為工作上合作既伙伴關係，故此，佢絕不宜與人合作(但與異族人合作則性質相反)，蓋因其格為場面上朋友多，一深交即有陰私，或而因此招惹災禍。
不過，講完又如何，媽子都係繼續幫佢搵人借錢。
***
星期六上午同阿爸，姑姐同表哥去將軍澳探祖母，記得細個時見到佢就一定有蛋卷食，所以我可以係話我從細就鍾意食蛋卷。係年幾之既一晚，我地全家去探佢，就係個一晚，佢就離開左了。享年九十有九。
拜過祖母，不期然望下佢身邊既鄰居，當中有一位四歲既小妹妹，佢個位好明亮潔淨，應該常有打掃，佢咁細個就夭折，不禁令人惋惜。生命一向都是脆弱，終有一天，我會離開塵世，只盼當時能夠了無掛慮，驀然回首，有過一段不平淡的人生。
所以，積極活好每一天吧，朋友！
星期六晚同阿黃同林偉去左奧海城既元氣，係度多謝佢兩位既邀請。就是有心。
星期四, 4月 26, 2007
難得好天氣
今天天氣非常晴朗，在座位上抬頭一望，IFC對出的維港景色確實令人心曠神怡，頓時忘卻銀髮日多的憂愁。
下午在寫字樓附近拐了一圈，在溫和的陽光下，街上的人都懶洋洋的，處處都是一幅一幅和諧的圖畫。
想起剛過去的星期二，那個早上的雨可真是下得夠狠，剛巧我在中上環，進退不得，卻忽然都去賣斗數書的地方看看，但就是忘了那兒是文咸東街還是文咸西街。結果我是行錯方向，最後去到目的地是已經全身濕透。真想把那本書買下呀，不過下個月我想先買一部notebook給自己，如果有閒錢，才考慮買書吧。
現在人人都講「風水」，先有某政府機構動用十幾萬睇風水(要睇三次風水就擺明個主管同埋個風水佬有問題！)，後有某「風水師」正忙著繼承遺產。我好相信真正既術者係有術德，如果你懂得術數而利用呢樣野黎做壞事，則果報必定加倍，此為「知法犯法，罪加一等」耶！食晚時同事戲言要轉行睇風水，我就話以風水術數結緣就最理想，如果我識既話，幫有緣人睇睇，快活之至。
好認真咁同上司傾傾公司既內部人事問題，老實講，我對於佢話某同事決定唔走呢個消息，感到好失望，因為我覺得呢個同事已經好冇心機做野，一星期五日番四日，十一點返工，六點走人，呢種工作態度好唔要得。不過係我都唔走啦，出面仲有邊度可以有人咁種佢！
晚上專登收看《一生為奴》，我已經好少咁專登收看電視劇，睇《一生為奴》係捧陳寶國既場，佢之前演出既《漢武大帝》既劉徹(即漢武帝)令人一看難忘，唔知呢一套又點呢？阿哥最唔想睇清朝既戲，因為佢覺得當時中國國勢好弱。我就冇咩所謂，一、二百年既衰敗對一個有幾千年歷史既國家真係滄海一栗，微不足道。於是我影印一份朋友俾我既notes俾阿哥，希望佢可以睇得宏觀一點，呢份係1934年在上海出版的《東方雜誌》第二十二卷既一篇由中國地理學家李四光寫既〈戰後中國內戰的統計和治亂週期〉，將秦朝到西元1927元既治亂做一個統計(又是統計！)，得出幾個重要循環：國家統一；紛亂；大土木工程；盛隆時代；由盛轉衰；北方民族興起；首都南遷；南北分裂；大瘟疫等幾個現像，當中更替有律，讓人窺見歷史的趨勢！
中國文化之可以源遠流長，唔知同風水又有無關係呢？
下午在寫字樓附近拐了一圈，在溫和的陽光下，街上的人都懶洋洋的，處處都是一幅一幅和諧的圖畫。
想起剛過去的星期二，那個早上的雨可真是下得夠狠，剛巧我在中上環，進退不得，卻忽然都去賣斗數書的地方看看，但就是忘了那兒是文咸東街還是文咸西街。結果我是行錯方向，最後去到目的地是已經全身濕透。真想把那本書買下呀，不過下個月我想先買一部notebook給自己，如果有閒錢，才考慮買書吧。
現在人人都講「風水」，先有某政府機構動用十幾萬睇風水(要睇三次風水就擺明個主管同埋個風水佬有問題！)，後有某「風水師」正忙著繼承遺產。我好相信真正既術者係有術德，如果你懂得術數而利用呢樣野黎做壞事，則果報必定加倍，此為「知法犯法，罪加一等」耶！食晚時同事戲言要轉行睇風水，我就話以風水術數結緣就最理想，如果我識既話，幫有緣人睇睇，快活之至。
好認真咁同上司傾傾公司既內部人事問題，老實講，我對於佢話某同事決定唔走呢個消息，感到好失望，因為我覺得呢個同事已經好冇心機做野，一星期五日番四日，十一點返工，六點走人，呢種工作態度好唔要得。不過係我都唔走啦，出面仲有邊度可以有人咁種佢！
晚上專登收看《一生為奴》，我已經好少咁專登收看電視劇，睇《一生為奴》係捧陳寶國既場，佢之前演出既《漢武大帝》既劉徹(即漢武帝)令人一看難忘，唔知呢一套又點呢？阿哥最唔想睇清朝既戲，因為佢覺得當時中國國勢好弱。我就冇咩所謂，一、二百年既衰敗對一個有幾千年歷史既國家真係滄海一栗，微不足道。於是我影印一份朋友俾我既notes俾阿哥，希望佢可以睇得宏觀一點，呢份係1934年在上海出版的《東方雜誌》第二十二卷既一篇由中國地理學家李四光寫既〈戰後中國內戰的統計和治亂週期〉，將秦朝到西元1927元既治亂做一個統計(又是統計！)，得出幾個重要循環：國家統一；紛亂；大土木工程；盛隆時代；由盛轉衰；北方民族興起；首都南遷；南北分裂；大瘟疫等幾個現像，當中更替有律，讓人窺見歷史的趨勢！
中國文化之可以源遠流長，唔知同風水又有無關係呢？
訂閱：
文章 (Atom)
