知道又如何

近日為家中的事而煩惱，所以沒有心情去寫blog，事緣阿哥想同人夾份做生意，問阿媽借一筆(對我而言)都幾大額既金錢。我聽完佢既計劃就非常惆悵，因為我聽完都唔覺得佢個計劃係可行。

尋日，我同媽子講，阿哥既兄弟宮係極之不佳，主兄弟感情不深(唉)，而兄弟宮又引伸為工作上合作既伙伴關係，故此，佢絕不宜與人合作(但與異族人合作則性質相反)，蓋因其格為場面上朋友多，一深交即有陰私，或而因此招惹災禍。

不過，講完又如何，媽子都係繼續幫佢搵人借錢。

***

星期六上午同阿爸，姑姐同表哥去將軍澳探祖母，記得細個時見到佢就一定有蛋卷食，所以我可以係話我從細就鍾意食蛋卷。係年幾之既一晚，我地全家去探佢，就係個一晚，佢就離開左了。享年九十有九。

拜過祖母，不期然望下佢身邊既鄰居，當中有一位四歲既小妹妹，佢個位好明亮潔淨，應該常有打掃，佢咁細個就夭折，不禁令人惋惜。生命一向都是脆弱，終有一天，我會離開塵世，只盼當時能夠了無掛慮，驀然回首，有過一段不平淡的人生。

所以，積極活好每一天吧，朋友！

星期六晚同阿黃同林偉去左奧海城既元氣，係度多謝佢兩位既邀請。就是有心。