雜記 (080730)

上篇文講投資方法，是因為投資對我地呢一代十分重要，香港經濟要真正再起飛，就要等到2024了，係呢十幾年，貧富懸殊只要更加嚴重。Jeffreality唔認為自己第日會搵大錢，所以一定要想方法為資產增值。Jeffreality沒有時間亦不懂得去炒出炒入，又欠缺準確的眼光，更加不會掌握時機，於是最佳既方法就是透過平均成本法，月供優質股。誠然，如果是好的方法，我當然不會吝嗇，並努力推介給朋友，至於是否跟隨，就是緣份了。

***

今年沒有去書展，因為實在人太多。如非工作需要，Jeffreality是不會去人多的地方。

查實星期六早上專登早起身，一心想入去逛逛，於是計劃一早回到公司，放低手提包，輕裝上陣。誰知番到去，就被人急call，覆完一輪電話，寫完幾個email後之後，就成十點幾十一點，行去會展，原來要行一條好長既路先去到龍尾，滿不是味兒，更上天氣焗熱，又得一個人，很是納悶，行到灣仔碼頭就對出覺得不耐煩，於是折返，兜左路去華潤買左一些零食。 折返途中，係天橋上，迎面而來的都是朝著會展方向進發的人群，我拿著三包甘大滋，急不及待的拎返公司食。

差點忘了，手提包中內有由Dick Morris寫的The New Prince，好像仍未看完。