選舉不是考升班試 (080706)

陳太宣佈不參與九月的損舉。另一邊箱，白鴒的金乃威表示歡迎陳太支持白鴿，因為白鴿一直都堅持民主。有港島選民跟Jeffreality講，如果阿太唔玩，會令佢地失望，因為繼馬叮後，港島有兩位具份量的人唔會出選，而新的一頁又來勢兇兇，加上民記的動員票，九月飯民勢危矣。

係人都知道，去年阿太出選，都只是一時權宜之計，就算佢當選之後講會積極考慮連任，都只是一個姿態，虛中有實，永遠都是政治世界的生存之道。對，港島連失馬叮、阿太兩名重量級人馬，以爭取最多席位的角度，形勢確是不妙。但是，構成窘境不是昨日的事，這十來二十年的「民主運動」，究竟俾左幾多機會俾當時的新一代？定係，所謂新一代，都不過是一班係地區工作既資深區議員？白鴿呢十幾年種下大佬文化的種子，將僧係今個九月開出應有既果。

今屆白鴿為左製造機會俾「第二梯隊」上位，力谷阿金出選，可惜，選舉不是考升班試，唔係讀完一級升一級，太多人可以係一個細區做得出色但係出到大區就黯然失色，因為立髮會同區宜會根本就係兩樣唔同既事，同一個人，佢個張票投俾區宜員及立髮會議員既考慮可以全不一樣。而家既區宜會，究竟可以提供幾多政治人才出黎？

或許，這是香港民主進程的一個悲歌。