V

下午，睇左呢套一直都未有機會睇既片，喜歡恐怖、驚嚇、懸疑片既朋友，就唔好錯過呢套片！原本好眼訓既我都愈睇愈精神呢！































我喜歡呢套片係有另一個原因。

好旺既旺角

拜會左某建築師後，令我對地理(即大地的道德)好感興趣。星期六下午，我放左工就去左旺角既二樓書店搵搵佢師父寫既書。好不幸，我只係搵到一本佢講「星」既書，於是走去問下店員仲有冇其他佢寫既書啦，店員大佬望左我一望，大概係用左吞一淡口水既時間，就話：「佢有用真名出過十幾本書架，你去書架度，搵姓談既書就係架啦。」於是我選多了一本「佛家名相」既書。我由零五年下旬開始有睇下佛教既書，不過我唔係信佛，只不過覺得佛家既道理好arm聽，係立身處世上比到我好大啟發，至於呢本書就係解釋佛家名詞既意義，我預計會係今個新年睇哂佢。

離開我成日去既樂文，行番落街。旺角真係人山人海，唔鍾意去人多地方既我真係冇咩必要事都唔會逗留太耐啦。

滄海一栗

愈知得多，愈睇得多，就愈來愈覺得自身既微不足道。夜晚番屋企時會行過一片空地，附近既樓唔太高，可以望到一大片夜空，係個一刻，好感受到自身既微少，同時好想將生活上既委屈釋放出黎，其實出左黎做野之後，好難成日同朋友講下心事，而家未有身邊人，遇著問題就要靠自己一個人去解決矣。

人愈大，接觸到愈多唔同既人，心地好既人有之，心地唔好既人有之，好運既人有之，衰運既人有之，自吹自擂者有之，深藏不露者有之.....夜深人靜，撫心自問，究竟人生在世為何？如何安身立命？係咩緣故要吾等出現在此一時空？而吾等，又可以為未來貢獻甚麼？

再過兩三年就行年三十，祈盼每日都有心力精神讀多一點書，以補己力之不足，於願足矣。

是時候

好多時候都要面對to be or not to be 既問題，無論係點，最緊要係有勇氣去承擔後果。

同事係過去兩星期因為各種理由而告假，另外又有兩位同事提出左口頭辭呈，而家個氣氛真係一塌糊塗，老細們亦都開始留意到異樣。我唔打算做任何事去保住其他同事，一來呢個係我上司既職責(管理個各同事係佢既職責！)，二來，每個人都要為佢既行為承擔後果，如果真係唔想做，我睇唔到有咩野由要留低。