DT終於宣佈出選！區區走左去睇兩位候選人既基本政綱資料(可見生活有幾咁悶)，睇完之後有d好粗略既感想。
「我會做好呢份工」(I will get the job done)將會繼去年既「斷背」、「你有壓力，我有壓力」後，成為今年人們口中出現最多既一句說話。雖然坊間已經有好多人批評呢個口號市井、打工心態、充分表現奴才心態，不過從政治宣傳既角度，足已令人難忘，突破左香港既選舉文化。另一個陣營既口號係「我們想要的香港」(The Hong Kong We Want)，創意欠奉，亦不易令人記起，而且，好Margaret。
另一個層次既演繹，就要從字面既相反意思去理解，'I will get the job done' 即係' You will not get the job done'，大概係講緊對家冇行政驗，又唔識同中央打交道。至於'The Hong Kong that We Want' 即係 ' The Hong Kong We don't want'，暗指DT既管治 out of touch，冇認受性，亦唔理會市民意見。
1 則留言:
你個分析都幾有趣喎．．．而且都好有意思。
我只係從一個星斗市民既心態講下對兩位宣傳既感覺︰
一句講哂，阿公民既宣傳好沉悶，而且一?都唔生鬼；相反，以為會好沉悶同heir既宣傳，反而有少少耳目一新既感覺。
「這就是分別」，唔識公關宣傳，只識重複口號式訴求，一向都係某一圈子既弊病，但係佢地冇諗過improve，亦以為improve左之後就等於向某?勢力妥協，或者犧牲左一?好似好偉大既理念．．．．．．
個人當然認為需要民主選舉，或者有「選擇」既選舉，但係當局者應該時時警醒，反省同持續進步，否則，香港交比邊個管治，結果都會差唔多。
發佈留言