那一天 一定來(080524)

上面那段片是我認為是台灣最好的政治廣告片(第一次看時是更會毛管動！)。

2000年阿扁選總統。PPP當時人才鼎盛，文宣製作的水準都是一等一，動腦筋的都是最好的專業政治廣告人，這班人不是有錢就可以請返黎，為啥他們要去幫阿扁，因為那時候，台灣人對佢抱有很大的期望。因為那班人相信某種價值，可能是時代的感召吧，又可能是想在有生之年，看到台灣的變天！看到台灣的政黨輪替，擁有這些價值的人是用錢請不番來的！And the rest, as they said, is history.

Jeffreality認為亦希望，他日香港的政治生態出現某些根本性改變時(例如一人一票的普選，例如政黨輪替)，這些情況都一樣發生。Jeffreality希望在這一天來臨之前，好好的做好準備！

***
那麼，當年幫阿扁選的人，今天哪裡去了？

跟很多歷史朝代更替時一樣，開國時總有一班良將在皇帝的身邊，而當朝代未落時，優秀朝中大臣，不是辭官歸故里，就是不屑與朝中那班奸臣共事。2000年幫ppp製作上一段廣告的政治廣告界的no. 1 范可欽，就是2006年倒扁運動的文宣主力製作人！看看下面呢段吧：

雜談 (080508)

話咁快又星期四，Jeffreality知道呢個blog唔係經常update，但都好多謝各方友好都會定時定候入黎睇下。今日請sick leave，有時間pdate下：

再見Bu士

幾間Bu士公司都同政府申請加價，理由當然是成本上升(但不包括人工)，油價近月升到120美元一barrel，創哂新高。今年是選炬年，為免得失選聞，一眾「尊貴的」當然不會贊成加價(不論幾有道理)。問心，如果巴士公司做唔掂，邊個會最大受害者？當然係一眾市民。

大家都感受到，政府用佢既無形之手刻意發展地下鐵(俾地鐵發展上蓋物業，用地產收入補貼地鐵既成本開支)，巴士就又得佢唔會理。第日沙中線，港島南線都發展埋，巴士公司就好快就上摺埋既道路。六、七十年代，要過海就只有坐船，所以當時般公司就靠呢樣賺錢，隨著海底隊道通車、地下鐵發展左之後，過海就唔駛一定要坐船，而家，船公司就只有靠離島線賺錢，過海線早已冇肉食。不難相像，過多十年二十年，巴士會漸趨息微，個個都會走去坐地鐵。

地鐵確實係好方便好快捷，但Jeffreality都唔一定返工放工都坐地鐵，多野諗既時候，就會去坐巴士，沿途睇下風景人事，幾開心架。

PDA Phone

個電話壞壞地，是時候要換部新的了。Jeffreality經常都要出外開會，為左方便記底日程同會議，今次想買部PDA Phone，心目中想買HTC呢隻牌子，呢幾日有時間會去格下價。











Facebook

原本以為係好私人既野，但係由於幾個老闆都已經加入左，經常都有一些不知名的人(common friend就係我個幾位老闆)add我，於是jeffreality唯有send個message俾地，「我係Jeff，你係.....」。

唔係講笑 (080504)

年紀....終於大過腰圍了！

係呢一個咁重要而又有紀念性既關口，Jeffreality一於積極咁想下成為三零部隊之前有咩心願想達成啦：

1. 九月後認真裝潢下屋企；(朋友拜訪寒舍就會發覺Jeffreality的書多得不得之了，但冇地方擺)
2. 睇哂《三國演義》；
3. 認真學習易經、斗數；
4. 煩惱少d；
5. 儘全力處理九月的事情。

請開煩惱，昨日一腦科醫生見到Jeffreality，急步行上前，望下Jeffreality個頭頂，驚叫：「嘩，乜你多左咁多白頭髮！」

答：「咁我有咩可以做令白頭髮少d呢。」

醫生：「剛才有人問我點先可以老左個陣冇老人痴呆，答案好簡單，就係要經常動腦筋。」

答：「咁我成日諗工事既野，唔怕冇機會唔動腦筋，但除左咁，仲可以點？」

醫生：「我唔擔心你冇野諗既…可以賭馬囉。」

答：「怪唔得你做埋馬主啦。第日我有老人痴呆，唔該你收我平d。」

平保(2318)及人壽(2628)之爭

前者08年Q1的股東應佔利潤比去年同期升26%，後者趺60%，近日網上經常有人就呢兩隻股票既優劣「開拖」。認同真理愈辯愈明，Jeffreality覺得投資呢家野，好Personal，最緊要係相信自己既信念，投資一隻股票，如果你唔相信你可以安心持有10年，那管是10分鐘也不要持有！如果相信人壽既前景好，就買人壽囉，如果相信平保好，就買平保囉，自由選擇，始終，你才是金錢的主人。

信念

碰過一些人，就算Jeffreality唔認同佢既理念，但係那些人是真心的為佢相信既信念而付出過青春、自由或者一些佢地覺得好珍貴既物事，那種深刻，卻是令Jeffreality肅然起敬。

如果一天，我不再相信我當初既信念，那就是離開這一行的時候。

及時的協助(080501)

星期三晚上，回家途中，在旺角新世紀對出行人天橋上，和同事在電話上對話。「總之我七月就會遞辭職信，九月就走啦。」「我覺得你地deserve一個更加好既同事囉。」「係呢行我已經做左四年啦，係時候架啦。」

Jeffreality係幾個月前力勸佢入黎做，都未做夠三個月，已經人心思變。不論佢最後既決定係點，jeffreality都會好感激佢，因為今年頭九個月，至為關鍵，有佢係度幫手，真係減輕左負擔，得以專心應付九月個件事。

或者，呢度好難keep得人才，空間有限，心中那一團火總有熄滅既一天，那時候就沒有理由再留下來。個晚食飯，問blogger阿力：「呢行有經驗既人去哂邊？」阿力話有經驗既人都入左政府做，由EO至CPU不等，薪金係一個考慮，另一個因素係當時組織既d大佬心態好嚴重，唔識管理，又唔重視人才，做得冇癮自然就走。

台前既人固然重要，背後支援既係專做blue-collar work，唔容易得到賞識。環視四周，一個個優秀既人才將會相繼離開，千里馬何時遇到他的伯樂？

Blog架(080430)

工作關係，經常都要周圍瀏覽網上有講敝公司既blog，見到幾有論請點幾有sense既blog都會bookmark左佢，方便日後睇番。

係朋友介紹下，今晚會同一位blog架食飯，交下新朋友。又，發現原來幾個好熱門的blog，大部份都是白鴒既前職員寫既，人才濟濟，不愧曾經為第一大檔。

失(080427)

除了忙，近來在工作上有點覺得吃力。開始應付得有點吃力。

如何提升自己？我一直問。

卻得不到答案。

逆向思維及一些謬論 (080409)

在投資理論中，有一種理論叫做「逆向理論」(Contrary Theory)，即是當人人都在唱好買入時，就是離場既時候，反之，當人人都在恐慌的拋售時，就是買入的最佳時機。Jeffreality正身體力行的試驗這套理論，可惜的是手頭只有2%的現金，只能透過調整月供的金額去收集好公司的股票，恆指一日未過25,000點，每月都會繼續獻上8,000元給中移動及中人壽，升過25,000或個別股價到價就減少供款，跌過23,000點就月供10,000銀以上。逆向理論的前提是要知道那一間是好公司，不是亂買，當好公司的股價跌到價格(Price)吸引的水平，就要大手買入，當人人都因為情緒因素(如恐慌、如早前次按危機令唔關次按事既中移動跌得去100幾銀時)而放走手上的好股時，就是相信逆向理論既人買野既時候。至於幾時係走呢？Jeffreality唔知道幾時要走，亦唔打算賣出好公司的股票，世間有一種理論叫Buy and Hold，買入並長期持有。Jeffrealtiy認為最理想既投資方法就是學好基本功，在一定折扣價下買入好公司既股票，只要公司繼續賺錢，就唔駛擔心幾要時賣出，輕輕鬆鬆的，反而要候準機會買多d。

記得005早前被某大行唱衰到第日見85蚊，當時既股價係109元，才不過兩個月，今日005既價已經係131，上星期forbes仲評005為全球最佳公司，力壓花旗、美國銀行，今日睇番當日的所謂大行報告，真是不知所謂。

有時覺得，逆向思維不只適用在投資上，亦在工作上合用。在團體的工作中，如果所有人都被恐懼籠罩，作為領袖就是要第一個人擺脫這種思維，帶領團隊走出低迷之中。反之，當所有人都被勝利沖昏的時候，就要明白樂極必忘形，乾龍必有悔，易經乾卦之九三都說，只有終日乾乾，夕惕若，才能穩步向前行。

近來辦公室被某種不太好的氣氛籠罩，Jeffreality會是第一個走出去的人嗎？

Jeffreality相信只有不斷的吸收知識，透過實踐不斷的自我完善，先可以在各領域更上一層。

***

近日睇電視見到政府宣傳既投資廣告，話風險係同投資組合中股票/債券既成份掛鉤，即是年紀愈大，就要避開風險，而債券是最佳避開風險的投資工具，所以年紀愈大，就要減少股票，增加債券比例云云。

Jeffreality相信，風險絕對同投資組合中的股/債比例冇直接關係。如果你手上係揸住用合理價買入既好公司股票，就算你100%持股都非常安全，因此，風險高低該是由手上投資工具既質素黎決定，同股/債比例完全無關。特區政府又一教壞人之例證。

補充一句，Jeffreality有98%既資產都係股票(005，941，2628)，就算在大跌市中都可以好平靜咁渡過，兩岸猿聲啼不住，輕舟已過萬重山，Jeffreality向目標又行前了一步。

如是我聞二 (080327)

走在台灣的街上，總有一份閒適，道路闊得可以讓六個人平排而行，街上的人總是不忙不迭，路邊小店的小食平得不得之了，可惜來也匆匆，去也匆匆，晚上有時間都回房間整理筆記，未有時間可以似早兩次去台灣咁周圍蕩周圍食。

***

今日在報紙見到一篇專欄，作者開了一個玩說笑如果有恐怖份子在上星期在台北拋了一個炸彈，香港的飯聞隨時唔見左一半。

***

原本以為去台灣可以休息一下，誰知隨團有很多工事要做，又要照顧團員，而且要早早的起身(七時)。早上七時四十五分去到酒店的cafe吃早餐，已經見到好多年紀較大的團員享受完早餐後準備離開，比我年紀更細的就更要八點幾先到(我地通常八點半出發)。由此可見，年紀愈大，愈早起身。

如是我聞 (080325)

有同團的人說，街上的氣氛一點都不熱鬧，只是偶爾見到一兩輛宣傳車走過，比起零六年的市長選舉，今年確是冷清了不少。都是台灣的評論家一針見血，前DPP的中央政策會執行長林先生說香港人來觀選總帶有份參與民主大事的光榮感和改革民主的使命感，而這些都該是鬧烘烘的發生的，但是，選民在這次台灣選舉中卻表現得異常冷靜，教不少香港人失望。他說，經歷過數次的總統選舉後，台灣社會已經成熟，他日香港有一人一票的話，一定都會走過由熱鬧回歸平靜的過程。所以，香港人，期待鬧烘烘的一天吧。

對Jeffreality而言，這幾天從媒體報紙雜誌電視處處都見到鋪天蓋地的選舉廣告，確是開了眼界。那一夜，三月廿三的晚上，現場聽到總統馬的當選宣言，卻令Jeffreality十分感動。只要你有一點歷史的知識，都知道中國人每次經歷權力轉移，都是要經歷戰爭內鬥血不流乾誓不休的。公元二千年選舉，DPP從KMT接過政權，是台灣第一次權力轉移，DPP執政八年，民心思變，KMT重掌政權，是第二次權力轉移。經歷過Two-Turnover Test的台灣人民，選舉已成為生活的一部份，政黨和平輪替的摸式已經成形(雖然阿扁在政權交接時一定會攪攪少動作，此乃小氣政客之表現)，Jeffreality敢說台灣的民主制度是華人社會中的先驅。總統Ma在當選宣言中推祟DPP對台灣民主之貢獻，這句一點都不假，Jeffreality想如果當年沒有敢於抗爭DPP的先行者，會有今天的政權輪替嗎？

民主從來都不是伸手可得。

***

在台灣到處都碰見熟人，單單在誠品書店溜溜時就見到兩、三個朋友，一個華人社會的選舉能有如此吸引力，就算你說台灣的政治很吵鬧很dirty，都要給他一個credit吧。

***

在其中一次的座談會中認識人言報月刊總編文卓非，Jeffreality說近年期期都有買，主要是捧林心遲及蔣先生的場。文說正同林度期，成事的話每期都有佢既訪問，除電台外，林亦只接受這份月刊既訪問。Jeffreality提到同蔣先生有過一面之緣，因而啟發學習斗數之興趣，文隨即拎佢部手提出黎俾Jeffreality睇，說剛收到蔣之徒弟的sms，著佢去上蔣的玄空學習班。Jeffreality雖然個心好想去上蔣的課，不過與文是剛認識，不好意思問。不過，發現文都是「同道中人」之後Jeffreality同佢討論左好多有關斗數的事，一樂耶！

台灣‧倒數36小時 (080318)

下午去了台灣團的Briefing，拜會了一些接待人物。

觀捐的心情太興奮了！