之前裝潢，打擾左隔離屋成兩個幾月，入伙之後，常叮囑媽子以J家親善大使的身份，買個生果籃加朱古力，以生果籃外交形式向隔離屋的一對年青夫婦問好。個幾月催促之下，終於成事，上星期終於送左過去，當然，J家媽子與J一樣是反傳統的，媽子去到人家門口，第一野就沒有禁人家個鐘，反而在人地門口以「芝麻開門」咁講「聖誕快樂」，之後先按動門鐘，人家以為是收陀地，當然遲遲先開門。
今個星期，J一家打邊爐，突然門鈴響起，家人你眼望我眼，心想「咩事咁夜呢？」J一個箭步就去睇防盜眼，是個女的！J望望家人，爸媽不為所動，示意J開門，J好生為難，「點會叫個著住孖煙通既人開門架」，當然，家中最細的J，都理唔到咁多啦。
門一開，是隔離的年青夫婦，女的說：「聖誕快樂！」之後遞上一盒精美朱古力，「打緊邊爐呀你地。」 J家親善大使的媽媽發揮親善大使的作用，馬上衝到門口，唔理三七廿一說：「係呀，一齊入黎食啦。」人家禮貌的說聲不打擾就返回單位，一如往來，輕聲的門關上了，生怕門聲太大，打擾了別人。
阿哥不知就裡，問阿媽：「你地好熟架？」
***
講開間屋，信不信由你，本來食親飯都吵架的屋企人，裝潢完之後都冇點吵過啦，當然，你可以有好多理由，如就玄空說，本來七運南北向既屋，屋中九個宮位有其中兩個都係極易同屋企人爭吵既組合(二與三的組合叫鬥牛煞)，其中一個仲係要屋中間。而家改左成八運，就唔見左二與三的組合。
現代人既價值觀，以為風水好就一定係大發，其實不然。J認為，風水是「避災」，把凶事發生機會減到最低，吉事自然來。人生順遂，風水只是助力，終歸都受宿生業力的因緣引導，常說玄空等只是世間法，學佛才是面對人生終極大法 - 離開輪迴，離開生死之海。
沒有留言:
發佈留言