裝潢已經有了定案，雖然如此，最後都要問問老爸的意見 - 其實是諮詢吧，免得完工就投訴事前沒有得其同意。
反應都是預計之中的挑剔，大意是批評J沒有建築經驗(雖然J好歹都係建築業從事過兩年多)、誤信風水(應該憑J平日看什麼書而觀察到J在學風水)，但是批評都要有理有據....雖然如此，J知道他的性格，成日要認叻，於是，由佢算。討論完結都要贈J一句，「個陣做則師樓個個都學紫微斗數，咪都係唔信得過...」，J忍不住回應了一句：「而家咩事，做咁多野都係想大家好，咁都要俾你話？」J事後批評，自己follow左老豆的負面思維，唔用正面既tone答佢係J既問題，係J唔夠成熟，未識去處理佢既情緒。
晚飯後，J在埋首劃圖交予裝潢師父，老豆行過，見到，企係J既背面，又再說：「通常都係冇工開既則師就走去學風水，有料既則師係唔駛學風水既，以前我都有建築師朋友冇野做就走左去出風水書，我都有幾本呀....記住呀，話識風水既建築師都係冇料架。」之後佢就番入房。從言語中難發現，那種「你地咩都唔識，只有我先識」既態度，是一種對自己極度自卑不安的反射心理。
J本應很嬲，因為老豆的批評完全係冇道理，根本就係針對人。J為什麼要大費周章、包括心力同金錢去裝潢？其中一個原因就為了老豆的健康。曾說未來幾年是最吃緊的，好容易會出事。見到咁既情況，除了帶父母去檢查之外，就是在居住地方下功夫。J第一個反應就係嬲，第二個反應就係察覺有嬲既情緒，於是就立即念「心經」，提醒這個叫J的人放下我執。
如果有機會再同老豆講，我會說，「而家唔理係風水好，唔係風水好，總之今次裝潢，都係想大家住得舒服d，開心d，亦都希望你健康好d，總之大家一齊做好佢，之後再番黎就住得舒服一d，大家開心。」下次，唔可以再被佢呢種情緒牽引，要用正面態度帶領番佢！
沒有留言:
發佈留言