尋找需要善終服務義工的地方(100227)

J想做善終服務既義工，請問大家有沒有介紹？有請轉告。萬分感謝。

後記：

找了一個晚上，就這個吧。

J早幾年的起心肝想學投資，誤打誤撞的學到「價值投資」，而且亦配合J的性格，實行上來亦異常容易，三年半下來憑J的微簿人工都已蓄到有七十萬的資產；想學斗數，又得朋友介紹，認識了師父，而且學的都是正道正派的玄空斗數，平日老師常提醒J以宏觀角度去處理人生問題，絕非一般坊間的江湖術士可比擬；J希望今次的決定都不會錯吧！

有心的朋友見此post，都問J工作咁忙，仲有時間做義工？

老實說，J天性懶散，平日最大心願就是係屋企訓係張床度望下藍天白雲，而且工作極忙，有時間都用來休息，學習，仲有打機，確實，問心個句，真係冇咩時間，有一千萬個唔願意去做extra的事。

不過，J信佛家講的業力，之前有機緣去做投資、學風水、做而家的工作都是credit，自己得到credit，就要做更多的credit，而「為公眾服務」是J的一個特質，希望以己之所表serve其他人去積下善的資糧，回報之前兌現左的credit，亦迴向年事已大、仍在世的父母親，望其宿生業力可重業能輕報，所以更要把握時間，則J幾辛苦都唔會有怨言，幾唔願意，幾想偷懶都的起心肝去做了。