Teamwork‧正生‧Interns (090618)

高比拿下了首個沒有奧尼爾在陣的NBA總冠軍。七年前Big Shaq被湖人換走，要花整整七年先砌到一支冠軍隊伍，今次奪標，有賴Kobe的一班可靠隊友，他們是Gasol、Odom、Fisher、Ariza。

90年代，MJ如果沒有柏賓、Horace Grant、BJ Armstrong、Rodman、Harper、Kukoc等等，相信亦不可能拿下六次的總冠軍。

J見過很多獨當一面的人，可惜當要同其他人夾既時候，就永遠不及一個人單打獨鬥好。

J在工作上的性格似火車頭，需要一班可以配合既同事去夾先行得快，希望，可以很快，令唔適合既人離開。我希望在這個寫字樓的，是一班肯拚搏的同事，有的是teamwork。心中沒有一團火的人，是很難合作(跟我)。

J總覺得，可以把工作當成生活的一部份，是幸福的，這亦曾是J小時候的願望。道理好簡單，人總需要生存，就一定要打工搵食啦，除非你咬住金鎖匙出世，就可能唔駛憂，既然開心又要做，唔開心都要做，咁梗係要做開心的事情啦。

***

J份人比較得閒，上星期日晨早八點捉左同事同intern入左梅窩，參加左正生書院遷入梅窩的諮詢大會。

教育界尊貴的，竟然叫正生搬入去梅窩三年先。大佬，你估今時今日，梅窩個班街坊，會俾好日子班學生過嗎？民記真係最無恥，成件事一粒音都唔出，一切都利益為上，香港俾呢班人管治就真係唔係好得掂。有個姓黃既鄉事，叫正生搬入石壁，直頭有病，即係要佢地與世隔絕啦，駛唔駛咁絕呀，人地點樣融入番社區呀。

不代表我的曾首講野，話身為人父，都好支持學生云云，嘩，好抽水，你身為堂堂一區首長，你要做野架，你係做到野架，唔係表示同情完就行開左，你要下面既教育局、社署、民政、禁毒做野啦，今日攪到居民同學生對立，就係梅窩個DO唔做野，唔做諮詢，唔上心，先有今日既局面，特首，出面做野啦！

***

Office連埋其他分部黎左50個Interns，有個別一兩個確實係幾靚女，又肯做，又搏，其他男interns都紛紛問佢要電話等等，好受歡迎。始終，外表有優勢既人都真係比較受歡迎。

最開心的，是他們覺得可以黎做internship可以學到野，雖然，我真係唔係好記得，我教過d咩。

每年既interns都係二十歲左右，年年個係呢個年紀，keep住不變，不過J就一年比一年大，今年都已經三張，感覺就好似，愈黎愈似一個大哥哥。

歲月催人呀。