責任 (090321)

逢星期五上師叔的課。

平時去開上課的地方昨晚冇場，幸好我朋友借出佢餐廳的地方，等我地一班師兄弟有地方食飯同上堂。

由於同office非常之近，加上積累己久的office人事問題一日比一日煩擾，於是請師叔上黎睇睇。我朋友都上埋黎玩。

飛一飛個盤，就知道在這幢大廈工作的人都不會做得耐(怪不得成日都見到唔同既管理員)。好啦，我錯了，寫字樓入中的不是「二‧三鬥牛煞」，是「交劍煞」，主鬥爭內耗。門向剋出，支出大過收入好多，籌款必有困難。當運星到的位置是toilet，故不能用，在一個不能用火的地方整左個屬火的「web-radio」，因此點攪都唔會攪得起。office房間的各個開門位，全都納齊不應納的氣，即是說，一切唔應該做的事這個office都做齊哂，可謂經典。

比較可幸的是我和幾位相熟又拍得到又可靠的同事既坐位，都是整個office最好的位置。而且，其中一位同事應該今年有喜，且該是去年「有左」(同一道理，怪不得我去年成日要去飲)。

於是，今早我call左我幾位同事，告訴我請人睇過風水一事。我說：「無論你相信不相信，不過你都知道，我地幾個係office入面，工作比較順利個幾位。大家都知道office有好多人事既問題，而且大家都唔知如何處理，既然我地係比較有優勢既，我地有責任為office做多一d事。」於是，我吩咐各人按照師叔給我的指示，搜集有關物件，放在office之中。

其實都不過是幾件簡單不過的事：養魚、空氣清新機、黃地毯(下藏銅板)、某個位要開一開窗通氣，當然，所有物事都要放在合適的位置，但為免招來閒言閒語，我強調要低調進行，且要做得一點都不突兀，所以除左呢幾位同事外，其他人不得知悉。

能力愈大，責任愈大。既然有洞悉能力，就必須承擔起更多的責任。

不過，整體都是不吉之局，都是快快搬走為妙。

***

學紫微斗數是推算天數；學玄空是解釋地數；人數永遠在自己手中。有時候，人數的改變可以同時改變天數地數。

***

某師兄今天跟我說，昨夜見過我的朋友，覺得我的朋友得體大方，相貌賢良，跟我很相襯。我告訴師兄她已有一位很穩定的男朋友，而且仲係一齊做生意，所以唔認為有發展的可能。她男朋友昨夜就坐在鄰桌。昨晚坐在我對面的師兄告訴我，怪不得她男朋友整晚金晴火眼的看著我和她女友。

最怕就係咁。