好心情過苦日子(081227)

有時候，都唔好話唔信邪。

今早跟前同事去了打籃球，正確點說，原先是J想去射下籃的。一路上，J說而家戴緊副眼鏡的鏡面有點花，要找個時間去換鏡片。

去到球場，射左陣波，剛剛隔離場四個人想打3 on 3，前同事想打，於是就鬥波了，才不過一兩球來回，正當J在搶籃板時，對手一手打來，把J的眼鏡打到飛甩了，電光花石間眼鏡就分開了兩截，以為陪左我5年既眼鏡就此嗚呼！最後要用AA膠合埋佢，頂住先，不過成個框有d歪斜，以後只可以係屋企戴了。

***

呢個聖誕假，處理左以下兩件積存已久的事：

1. 家中的音響組合，J話想要換線都講左好耐了。今日行開鴨寮街，去左兩間影音鋪頸，問下以J既setting，換咩線咩價錢好，順道格下價，最後換左26銀一尺既 inakustik AA309 Silver cable。番去一換左，就已經聽到好清脆的聲音了，已經好心滿意足啦，唔駛買上千銀既貴價貨了。

J唔識「玩音響」，只覺得聽歌都唔一定要追求高價貨，合用啱聽就可以了。

下一步，就是Blueray Player了。

積存指數：半年前話換線架啦

***

2. 家中太多書、太多雜誌、太多dvd，太亂了。唯有改變一下房間的儲物間隔，先可以方便擺放物件。J決定除左張碌架床外，兩間房既所有櫃都要拆左佢，Change一下。由於屋企既地方唔合用IKEA的傢俬，先前都搵左個師父黎報價，不過都唔覆，一拖就是兩個月，都未有時間再處理。於是尋日(26日)，找了另一個裝潢師父上黎報價。整一個衣櫃、兩個大書櫃/儲物櫃、將窗台改成張書枱，預計兩萬銀內攪掂，合乎預算。

積存指數：三個月

***

上面兩段小記都係講J買野，駛錢既事，09年經濟不是更差嗎？不是Cash is King嗎？

J完全明白及預計了09年絕對是難捱的一年，經濟一定比08年更差(談居士話2010先係谷底)，但係，苦日子都要過日子，媽子想整整間房好耐了，而且番到屋企見d野咁亂個人都會容易忟。處理好生活上一些瑣事，安定好頭家，安內就可以全心全意以平靜心情迎接苦日子啦。

***

當然，就算股市不景氣，都不會改變月供優質股的習慣，繼續收集中移動(941)中人壽(2628)。