工事雜談 (081126)

上個星期，某銀行的PR Head C小姐打黎，話決定唔開星期六個會，理由是開會又俾客鬧，唔開會又俾客鬧，咁不如唔開會俾客鬧，而且客既情緒愈來愈激動，佢怕客戶們唔會俾管理層走。J說銀行竟然唔守信用，明明六個星期前講明星期六開會，而家係開會前幾日竟然反口，信用大平賣乎？如果唔開會，只怕我地會「遺憾」貴行。C唔想公司被「遺憾」，問J有咩其他方法，於是Jeffreality問其實個問題是不是只係銀行唔想俾人鬧，如果唔開大圍會，開代表會得唔得？開代表會都得，不過有條件……。就係咁，J同C小姐來來回回傾左好耐，傾傾下覺得對方幾投契，於是傾完工事之後都講左好多野，包括一些管理方法、宗教方面及對政治的看法，難得啱key，J覺得有點相逢恨晚的感覺。

J跟C小姐年紀雖相差十年，但經歷倒有一點相似。她畢業後在當時的Big 5做核數，覺得工作實在太悶，與她外向性格不合，於是三年多後懇然放棄穩定又專業的會計工作，轉任財經公關，一做十年，今天已位至某跨國銀行的公關部頭頭。J相信，人生有某些關頭上，行了彎路也是值得，一來可以是鍛鍊，一來可以更清楚自己的想法。

我地係今次事件上夾得好好，最後個會改左星期五晚開，氣氛大致良好，J雖然係會上冇咩發言，不過整個會議既流程同安排既一模一樣，個刻既滿足感好大，以前幾辛苦都值得。

C小姐最後叮囑我要珍惜我身上的gift，我說是什麼gift，她說容易令人信任是一種gift，她希望我會好好善用這個特質。J說只知道自己容易相信別人，所以很易被騙！

'If you are honest and frank, people may cheat you... be honest and frank anyway.'