家中有四人，爸媽哥我，一起生活快三十年了，一家人一起，開心的時間不多(記憶中好像是沒有)，通常四個人聚在一起，都是吵架的時間多。
小時候，覺得哥哥很壞，經常逃學，又向媽媽要錢，整天跟爸爸吵架，借我的衫褲去穿之後又不洗乾淨給我，而且經常要屋企人幫佢執手尾。
年紀漸長，開始明白到哥哥之所以有這種「麻煩」的性格，跟早年爸爸對年青時期既哥哥欠缺耐心及適當的教導有極大關係。那時候，我好像還未出世，爸爸跟哥哥一起生活，哥哥成績不好就會捱打捱鬧。我相信阿哥對呢段記憶好深刻，因為某次係佢同阿爸既激烈鬧交之中，佢曾經忍不住講過當時老豆只會打佢，從來都唔會關心佢，「當時你只會一張凳飛埋黎」到而家我仲記得佢講過呢句。十幾歲既阿哥從此無心向學，人生跌跌碰碰了二十多年。早幾年佢帶過女朋友番屋企見兩老，可惜這位女朋友之後自殺了，那種打擊，不為外人道。阿哥的內心是孤單的。
將所有的前因後果連貫在一起，對哥哥的埋怨就消失了，或者，從少我都覺得哥哥的才能比我好，他從少就自學得一手好畫功(我成家都好識畫公仔)，後天的遭遇令先天的才能未能發揮，我感到可惜。
兩兄弟之間其實好少說話，我地之間既溝通方法係無聲既(因為我唔係好識用言語表達情感)，例如我知佢唔會出去睇戲，所以有時間返屋企食飯又佢又會過黎呢，我就會專登買DVD番去，大家食住飯睇。我知道佢是關心我的，早幾年唔記得咩事入左醫院，要留夜，第二朝佢放左工(佢一早放工既)就黎睇我，當時十點幾我未訓醒(因為醫院冇野做，七點幾醒左就繼續訓番)，我醒左就見到佢坐左係度，佢見我醒左就好關心咁問我咩事，而家想番起，都有些眼濕濕。
(仲未完)
沒有留言:
發佈留言