8月雜記 (080824)

整個八月也沒有幾多時間去顧工作以外的事，早幾日打風，只得留在家中工作，電話整天就是響個不停，都是說受打風影響之後的工作安排，近來工作臨近煞科，少一天工作就要把要做的事延後一天，但願未來兩星期不要再打風。

今晚有時間思考一下投資方向，由於呢個月買左一手2628，2628已經佔左整個投資組多於50%，黎緊既月供會有一些調整：
由九月開始，月供新增005(4,000)、維持941(4,000)、2628(3,000)。目標係(005+941)同2628既比例係一半一半。

好多朋友都俾個跌市嚇親，買完野又跌，再買再跌，到而家唔敢再買！但係我唔理個市跌幾多，都要視而家係吸納優質股既時機，月供係最佳既投資方法。

呢個做法啱唔啱，五年之後公開投資組合俾大家睇就知了。