同學

星期日，上十點既堂，九點就去舊can享受一個簡單又豐富既早餐，火腿蛋加一杯熱朱古力，都係講緊十一蚊。

九點半，去到課室門口，已經有幾個同學到左，九點四十五分，距離課堂開始既時間仲有十五分鐘，已經有三十人係度等開門。我唔知呢班同學聰唔聰明，不過我係讀undergrad個三年，都未試過上堂前十五分鐘已經有30-40%要上堂既人楝左係門口度，可見佢地係幾咁勤力，幾咁認真。

而我呢......

***

你好嗎？

今個暑假過得開心嗎？應該去過旅行吧？應該開始上班了吧，有睡過頭嗎？同事對你好嗎？沒有暑期工的不快經歷吧？應該七點就可以放工了吧？有在附近shopping嗎？有儲蓄的計劃了嗎？

.....你已經不是當時的你了吧，我也不是那時候的我了，一切都彷似那麼遙遠虛無，書枱上信封內的悄悄話，真實得一切好像沒有存在過一樣，錢包，仍然覺得沒必要都沒打算要換過另一個。如果不看日歷，都記不起那個月的事，可是那一年，卻無可奈何的跟歲月一樣深刻。