有朋友正為放唔放左手頭既股票而憂心，因為佢擔心放左之後會繼續升。
我早幾日放左我既愛股3328，因為佢既P/E去到四十幾咁高既水平，呢個價同其他中字頭既銀行同保險股既股價一樣：超乎現實！佢地而家既價錢係反映緊未來三、五年既業績，股價短期係投票機器(voting machine)，中國未來既高增長前境已經令好多人投左信心一票，不過股價長遠係講份量既(weighting machine)，即係以盈利見真章！我手頭上只係得小雞蛋份量既金錢，要令佢長大，就一定要避開高風險既投資，去年賺15-25%係完全唔出奇，要記住當潮退既時候，先知道邊個係光著身子游泳。呢幾日我會放埋3988，增持現金，靜心等待「某日」既來臨。當你今日憂心賺得唔夠盡時，不如為「某日」來臨時唔夠現金而做定準備啦。
公司得一個同事知我手上有咩股票，呢個同事對住門口坐既，上星期放左3328之後，佢每日都走黎我個位度，嚮我耳邊細細聲講3328既股價升左幾多，佢話想刺激下我咁話。我知道3328既股價比我放既時候上左幾個價位，不過你決定放，就唔好介意之後佢點升，呢方面，我就唔會回頭望了。
呢幾輪報紙頭版都係講個市升左幾多幾多，連陸東都上左上期壹仔封面，唔知你又有咩啟發呢？今晚聽阿媽講，佢公司既同事而家個個都講買股票，個個都話入市就實賺，E，唔知牛頭角既順嫂買左中字頭既股票未呢？
我都係聽日就放左手上僅餘既中字股3988了。
收到未？
2 則留言:
高情操!
......
舊年好多基金投資表現平平，今年見形勢不俗，基金經理都要炒高個市，直至炒到心目中既目標價，佢地先會分相當高既commission過肥年。
所以，如果我見到牛頭角順嫂同我講而家入實賺既話，我會唔出聲，然後行開。
股票市場只係另一類既賭場，如果冇資金實力或者知識上既實力，都係踏實?好。
至於財經報紙既報導，佢地只係盡本分將事實報導，如果星斗市民因此而覺得「入市實賺」，咁詮釋呢家野真係因人而異。
新一年恭喜你多左資金係手，祝你財源滾滾來啦下。
發佈留言