3328

回應Nana，005是3328主要策略股東，若果中國銀行業全面開放，005係可以將持股量增至四成。 這兩點因素對我非常吸引，我係你就一定唔放，反之，將佢加入永久組合，甚至增持。

又，你有1,000手定係1手呢？而家1手係有1,000股，星期五收市係報5.29左右1股，1手即係5,290元左右，1,000手即5,290,000元。我好希望你係後者。

分散投資

個人唔建議太分散既投資，你買股票係俾錢間公司做生意，所以一定要選最優質的企業去投資。我非常贊成用大部份資金買一、二隻股票，「Don't put all the eggs in one basket」係教壞人，投資前係要去做功課，如果有做功課，就一定知邊間公司最會幫你賺錢，如果A公司係最賺錢，我實在搵唔到理由去買B、C、D、E、F，即係賺錢能力唔及A的公司。如果對自己的判斷冇信心、投資EQ唔夠高，就請不要沾手股票。如果你想輕鬆的賺大錢，唔係賺蠅頭小利、唔係要做Day-trader、唔駛日日睇住個上落價而提心吊膽，重點出擊幾隻優質股就可以了。當人人都因為個市太低時而恐懼地離場時，就係你出手既好時機，亦都係考驗EQ既時候。

有人喜歡石油業、保險業、零售業，我就支持金融業。而家月供005，等明年清理左手頭上的債項，就會另外儲起部份資金買3328。