準備離任的女老闆(101103)

...企係我身後咬耳仔時，經常用佢個頭撞我個頭。我知道，佢從少都唔識自己洗頭，如果佢個朝個頭好貼服，即係個朝搵左人洗頭，個朝個頭髮企起哂，就個幾日未洗頭了。

....(101102)

沒法想像

為何人類這麼傻。

裝潢之十五(101027)

比較整齊的一督。其實個櫃，我係想要芥醫黃的，用黎化好旺的火氣。個櫃的設計冇考慮個收入埋個subwoofer，亦為敗筆之一。

比較好運的，是個櫃夠深放埋個動水 - 就在喇叭後面。

裝潢之十四(101020)

同個裝潢師父好唔夾，叫佢將個door-stop裝係個浴室門度，佢就裝在係地下。

日日番屋企都要打掃，因為裝潢工程仍在進行中。上星期五送櫃黎，以為兩日內裝完，結果裝左三日多。更可悲的是，有好幾個櫃的呎寸不對，一係做大左，一係做細左。本來以為天同化忌係代表田宅會漏水，J以為應左啦已經。早幾日交功課，問師父點解攪成咁，師父看看個「身份證」，就笑騎騎的對J說：「有樣野好好笑架，天同又可以係櫃，所以d櫃出事。」

下個月天干為丁，命宮行到廉貞天相的位置，丁干四化為陰同機巨，巨門化忌，廉相刑忌夾，又羊陀夾，呢個情況出現係命宮，下個月唔知發生咩唔如意辛苦事了。師父叫J去做劇烈運動，拗柴應左佢咁話。

***

已經叫媽子買六合彩試下運氣。結果上星期中左20元。

無獨有偶，J黎緊會出Bonus，今次係兩個月既人工，另外仲有一些買年假的安排，成事就希望可以補多個月，即係今年有機會出多三個月既糧，用黎找裝潢數最好。

***

J已經係$82.8既時候放左2006年一直買下來的匯豐(005)，共套現了十二、三萬，用來找餘下的裝潢費開支。J現時手上持有既股票有中人壽、招商、中移動及比亞迪，總唔會多過五隻。

論文(101015)

因為被裝潢一事困擾，近來都沒有心情跟進老師的論文，所以早幾天老師急著問論文的進度時，心裡也有一些歉意。今晚暫不理裝潢，全力攪論文的事，星期六要去西北方報告進度。

裝潢之十三(101013)

第十個星期。遇人不淑。仲同我用舊式電話插頭！
至於用金屬畫的事，問過老師，老師覺得不需太花錢了，買個金屬裝飾係個門柄上都可以了。
有朋友唔知咩叫moving water，係第二張左手面地下個支水就是動水了。

提提自己 (101012)

境來心應，境去心無。

裝潢之十二(101011)

已經搬左入去了，櫃全部未做，而且連我個床板都竟敢未送黎，格局未全，不過環境都已經好舒服。

如果今個星期都完唔到工，尾數會全部HOLD起。

金屬畫(101004)

今日番工途中係中環地鐵站內竟然見到一間賣金色銅畫的店舖，真好！

還有四天(101003)

還有四天，就可以搬回裝潢了九個星期的舊居了。對，一個豆「潤」咁細工程又唔複雜既蝸居要九個星期！而且其餘要訂造既櫃，包括所有新門，仲要係入伙個日全部都未運黎。

所以，搵熟人做裝潢，未必好，最重要，係口碑。今次J的經驗，真的是很差。下次再裝潢的時候，就是搬新屋之時了，下一次一定會處理得更好。

爸媽辛苦了，要一家三口屈居在一個超細而座向零度既單位之中成九個星期，又要訓碌架床，裝潢後的居所希望會令爸媽喜歡，最重要是要令他們的健康得以改善。爸媽係今次裝潢之中，只係選擇了雪櫃、煮食爐、熱水爐及抽油煙機的款式及型號，其他的決定包括所有爐具的位置、燈飾既佈置及一切的選料用色，都係由本人包辦。

基本上，佈置同設計已經盡可能把風水的考慮融入其中，包括將門口外紅色既防火喉油成白色，而有一些地方，礙於形製，只可以用擺設及顏色去稍為改善，所以，不可以以為風水就可以「大哂」，任你玩，因此，風水一定要係買樓之前睇就係咁解。

目前最難的事，就是要說服爸媽接受J擺一個動水在他們的衣櫃之中，J其實已經在衣櫃中預留一個密封既間格放動水，主要是催動九紫呢粒未來生氣，不過只要老豆一句唔喜歡，就會在不通知J的情況下就將動水既電源拔掉。J認為，如果J對他們說擺動水的理由是為他們好的話，他們一定不肯；唯有說是為J好吧，說對J的健康、財源有幫助，他們反而會容易接受！

J仍在尋找一幅金色的銅畫可以掛在爸媽的房中，裝飾是其次，主要是化五黃，本來可以用五層金屬風鈴代之，不過怕他們接受唔到又動水又風鈴係同一間房入面。

A，突然想到係office用個招，會擺動的金屬時鐘，就算係塑膠都可以做手腳！神不知鬼不覺耶！